Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
_ نه اولسون كی من سنی سئویرم؟! ائله ننه‌م ده كیچیك عمیمی سئویر، كیچیك عمیم ده، ایتینین كوچویونو...
عمیم دئییر: او كوچوك ایكی ایلدن سونرا، خییوودا هامینین ایتینی بوغاجاق. سارابی دئمیرم، سارابدا قاچسا دا قاچیب، مئیدانین بی باشی اوتدودور، بیر باشی اوتوزدو. اهر ده، آنجاق مئیداندان قاچماز. یانی قاچسا دای باشیمی یئره سوخار. جمعده باشیمی قالخیزا بیلمه‌رم. بوغولسا "خییوو چایی"نا آتارام سو گؤتوروب گئدر.
_ نه اولسون كی، آدام چوخ ایسته‌دییینی بیر گون ده، آتار.
عمیم دئییر: فقط او كوچوك هئیكلیمه سیشمه‌یه. خییووو بوغسا، اهری ده بوغسا، هئچ ساتمارام هاا…ا مین ایله ده! آنجاق ده‌دؤوون پیرایدیندان باها گئدر.
_ آتاما، ده‌دؤن دئییر، یانی منه دئینده ده‌دؤن دئییر، اؤزونه داداش دئییر، اؤزگه‌لرینه ـ منیم او معللیم اَخَبیم ـ دئییر. اؤزو ده معللیم دئینده بیرآز فرح‌لنیر. اوللرده ده‌دؤن دئمه‌سی آجیغیما گلسه‌ده، ایندی داها اؤیرنمیشم.
نه اولسون كی! آدام هر نه‌یه ائله تئز اؤیره‌نیر. یادیندا سن نه تئز اؤیرندین؟! عمیمین ده، او كوچویو بوغولسا، یادیندان چیخارداجاق. هله او عمیم كی، او كوچویونون بوغازیندان دا، سو ایری گئدنده، تبریزه مال دوختورونا گؤتورور.
نه اولسون كی! آدلاری مال دوختورو اولاندا، ائله مالا، قویونا، ایته، آتا دا، باخیرلار. تكجه ائششه‌یه باخمیرلار. باخماغینا باخارلار هاااا…!، آنجاق بیری ائششه‌یینی دوختورا آپارمیر كی، یانی فرهنگیمیز، او یئره یئتیشمه‌میش كی، ائششه‌ییمیزی دوختورا آپاراق. نه اولسون كی، ها آپارمایاق! هئچ گؤر ائششكلریمیزه بیر شئی اولور؟! خییوودا ائبئله ائششك وار، گونو ـ گوندن ده، آرتیر.
نه اولسون كی، من سنی سئویرم؟! ائله عمیم ده، او كوچویونو سئویر، آنجاق بوغولسا خییوو چایینا آتاجاق. سن ده منی آتسان نه اولاجاق. دیبی بودور ـ ایت كیمی، آتدیم ـ دئیه‌جكسن. اونو دا، كیم نه بیله‌جك، تك اؤزون بیله‌جكسن. عمیمه باخما كی، مین نفر میئداندا گؤرجك، ایكی مین نفر ده، قفه‌ده ائشیدیب بیلر، قفه ده، بیلدی، خییوودا هامی بیله‌جك. باشی یئره سوخولاجاق. باشینی قالخیزا بیلمه‌یه‌جك. منه نه اولاجاق؟!، دایجا باشیمی یوخاری قالخیزیب، سنین یئرینه باشقا آدام گزیب تاپاجام.دوست اولاجام. عمیمین، آتامین پرایدیندان باها كوچویو بوغولسا، ایت گونونه قالاجاق. منه نه اولور؟! سنه بیر اوزوك وئرمیشدیم، او دا، سنین، هئچ ایسته‌میرم. دوستومون دوكانیندان جیبیدمیشدیم، عمیمین ایتینین اوراسینا كی! او كوچوك عمیمین هئیكلینه آفتافا گؤتوره‌جك، سن ده، منیم هئیكلیمه آفتافا گؤتورمك ایسته‌ییرسن؟!
نه اولسون كی آخی مئیدانین بیر‌باشی اوتدودور، بیر باشی اوتوزدو. آفتافا گؤتور. ایت آدامین هئیكلینه آفتافا گؤتورسه یاخشی‌دیر یا آدام آدامین…؟!
12باخيش