لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...


كیوان 1371-جی ایلده خییوودا آنادان اولموش، ایندیسه تبریز ده بیوتكنولوژی ریشته سینی لیسانس مقطعینده اوخوماقدادیر


آتامین عؤمرونون چاناقلاریندان
بلكه ده آنامین یاناقلاریندا
نه بیلیم، اؤزگه‌نین دوداقلاریندان
داملاییب، بیر داها دوغولموشام من
 
كولگهلی گؤزلرین قابار یاشیندا
یام-یاشیل آرزونون یئل اویناشیندا
هؤرمه‌لی یارپاغین قیش قارقیشیندا
قیشلانیب ایچیمده بوغولموشام من
 
آجیندان سومسونن شئه ده دئیرلر
كوهنه بیر اوتانقاج مئه ده دئییرلر
نفس‌سیز چكیلن ائه ده دئییرلر
مین دفعه آیریلیب قورولموشام من
 
بلكه دامجیلاییب بلكه یاغمیشام
بلكه ده یوللارین داشین دوغموشام
سنی ده اؤزومدن چوخدان ساغمیشام
بیلمیرم كیمسه‌یه قورونموشام من
 
بیلمیرم اوشاقلیق هاوالاریندان
آتامین آنامین داوالاریندان
اونلارین جاوابسیز خاتالاریندان
نه چون سورغولانیب سورولموشام من
 
بیلمیرم هارداسا ایتمیشم یئنه
كیمین سه قوینوندا بیتمیشم یئنه
هانسی بیر دونیایا گئتمیشم یئنه
كیمسه‌یه سؤوكه‌نیب ساریلمیشام من
 


+0 به‌ین

گؤنده ريليب تاريخ چهارشنبه 11 بهمن 1391يازار بولاق
|
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ