لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

یئکه‌دن  جیققیلیا هاممی گئدیر دُنبالانا
گؤرورم بعضی‌لری جان‌دا وئریر
دُنبالانا

الده بیر طؤوله میخی هاممی گزیر یئرده جیریق
جیریغی گؤرمه‌غینن تئز باش اَییر
دُنبالانا

اؤزونه هاممی ییغیر آیریسینا یوخدو ییغان
چالیر هرکس بیر هاوا روضه دئییر
دُنبالانا

زور وئریرلر دئیه‌سن هر طرف هی آه سسیدی
یانی میللت تؤکولوب میخ زوپاییر
دُنبالانا

جوت ییغیر بعضی‌لری بعضی ده ال بوش قاییدیر
اؤزونون یوخ چیخاری، یامان دئییر دنبالانا

دُنبالان باعیث اولور زاد و وَلد چوخ چوخالا
ائولیلیک طرحیدی بو هاممی گئدیر
دُنبالانا

دوز بی شئی‌لر کی اولور خارجه‌یه گؤندریریک
بیر چوال پولدو کی هر لحظه کئچیر
دُنبالانا

بعضی چوخ بعضی بیر آز بعضی ییغیر خیتده‌یه‌جَن
ولی وار بعضی‌لری رحم ائله‌ییر
دُنبالانا

ییغدیلار هر گؤرنی سیندی کمر قاتلاندی
اولارا اولدو ضرر چاتدی خئییر
دُنبالانا

دنبالان یئرآلمانین لاپ او جدید وِرژِنی‌دی
فقط آللاه تزه کؤینک‌دی گئییر
دُنبالانا

دنبالان چوخدو داشیبدی ولی دای یوخدو ییغان
دئیه‌سن هاممی دویوب دای ناز ائدیر
دُنبالانا

گون ده‌ییب
دُنبالانا دای تر آخیر اوزلردن
قلمی قوی یئره شاعیر سو گتیر دنبالانا

+0 به‌ین

گؤنده ريليب تاريخ سه شنبه 29 اردیبهشت 1394يازار بولاق
|
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ