پاییزین اورتاسیدیر هاوا دوم آغ سریلیبدیر کوچهنین هر یانینا گونشین سون باخیشی بیر سرین یئل ده اسیر کوللارین اوستونه قونموش بیر سورو قوش اوچوشوب گؤیده اوخورلار بیر گئدیب بیر قاییدیرلار آخشام اولموش قاش قارالیر کوچه ساکیت نه گلن وار نه گئدهن گؤزلهییر آمما بیر ائوده قاپینین آردیندا بیر قیز سئوگیلیسین " گلهجکمی گؤرهسن " سورور هر دن اؤزونه آه چکهرک " سؤز وئریبدیر گلهجک" بویلانیر دار کوچهیه نملی گؤزو اوینادیر یئل ساچینی یاشلی اوزونده کوچه ساکیت نه گلن وار نه گئدهن