لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

قاتار

دئمه‌ك ایسته‌میردیم سون سؤزلریمی
قاتار اؤكوتمه‌سی سؤزه گتیردی
یولداشلار آردینجا اَسَنده اللر
قویلانمیش سئوگیمی اوزه گتیردی
***
نه راحات آیریلیر قاتار شَهَردن
بو گؤز یاشلارینی گؤزده آلماییر
اونون‌چون كئچمیشده قاتار یوخویموش
ایندی سئوگیلرده سئوگی اولماییر
***
ایندیسه گئدیرم بو سن بو شَهَر
بوتون آداملاری سنه قالاجاق
پاییم بو شَهَردن بیر بیلیط ایمیش
اوداكی بو گئجه باطیل اولاجاق...
***
یوخو اولدوز-اولدوز یاغیر شَهَره
بیلیرم بو گئجه یاتمایاجاقسان
ایزلَریم شام كیمی یانیر كوچه‌ده
فیكریمی باشیندان آتمایاجاقسان
***
فیكریم میغمیغادیر سانجاجاق سنی!
سئومه‌دییین كس كی سنله یاتیبدیر
فیكریم پنجره‌نه آتیلان داشدیر-
فیكریم بیر كیشی‌دیر سنی ساتیبدیر
***
اؤزومده بیلمیرم نه چكمیشم من
سانیرسان بیر آهلا سئوگی قورتاریر؟
سنی بورجلو دوشدوم عؤمره، گونلریم
عزاییل پولیس تك منی آختاریر
***
گؤیلونه دوشنده من آددا بیر كس
اونو دن سپمیشم واراقلاریما
گئدیرم اؤزومون سونونا چاتام
وطنیم سیغینیب باشماقلاریما...

+0 به‌ین

گؤنده ريليب تاريخ یکشنبه 18 آبان 1393يازار بولاق
|
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ