لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

داغلار اوستو گؤم-گوی گؤزل اورمانلیق
چن دوشوبدور گؤی‌دن اونون اوستونه
كولك اسیر تیر-تیر منی اسدیریر
بیله بیلمم عشقین كؤزو اوستو نه!؟...

داغلار قالیب چن آلتیندا یئنی‌دن
اونا باخان گوده گؤرور اونلاری
وولقان قوپسون منیم تانریم نه اولار
گوده گؤزلر گؤرسون میندن اونلاری

داغلار داغدیر چن ده اونو بوروسه
قاردا یاغسا باشی بیر گون آغ اولسا
ایستی سئوگی سینه‌سینده وار اونون
سوواراجاق بیری اونا باغ اولسا

من بیر داغام چن بورویوب باشیمی
كولك اسسین سئودا سؤنمز اوره‌كدن
باخسالارسا آلچاق منه ایلاهی
ال چكمرم ییخیلسامدا دیلك دن...

بهروز 93.8.16

آغ پری-مازندران 1393


+0 به‌ین

گؤنده ريليب تاريخ یکشنبه 18 آبان 1393يازار بولاق
|
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ