لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

حوسینه قوناقدیر، بیر آی بو حجیم
بوتــون اوركلردن داشیـــــــنیر حرام
خاطـیرلیر كعبه‌نی، صفا،... مروه‌سی
شــیش گوشه قـــبرینه باغلیرام احرام
***
جـــبل الرحــــمیه ایلـــهام اولـــوندو
حوســـینین طــــــــوافی نینوادادیر
عرفه دوعاســــین اوخودو بوردا
آممـا قـــــوربان‌لاری، كربـلا دا دیر
***
او گوندن كی فرات قانــــا بویاندی
لخته-لخـــــته یاغیر هله گـــؤزلریم
سوزولور شــــــعریمه عباسین آدی
آغلادیر قـــــــلمی منیـــم سؤزلریم
***
پوزقون علقمه‌یه بویلانیب گؤیلر
اؤپدو اباالفضلین، قلــــم قوللارین
بیرمشكه اوخشادی زهرانین گؤزو
او دم كی كـــسدیلر سویون یوللارین
***
گونشــین بوغازی یاندی عطشدن
اوندا كی آتیندان، بیر آی ییخــیلدی
دیـــــشینه آلانـــــدا قانلی مشكی‌نی
قارداشی ائشیدیب باغری سیخیلدی
***
قـــــیبلیه دوراندا حــــوسین نـــامازه
مینلر ابن مولجم گـــــــؤزه گؤروندو
دونیا تیكرار ائــــتدی بیرده علی‌نی
عالـــــمین كؤنلونه دردلر بوروندو
***
ایندیسه جانیــما كؤچوبدور داغین
منی آغلاداجاق، نیســگیل...اوشـــاقلار
اوچ یاشــــــیندا قــیزا تیكان باتیرسا
چارپاناق ووراجاق بوتــــون آیاقلار
***
اؤپركن بوغازین اوتانماز بیر اوخ
یئر گــــویو ماتمه، سالــــدی حرمله
گونون باتماسی‌نی، قیزاردیر قانی
گـــؤی ده علی اصغر، سسله‌نیر هله
***
تانری‌نین قانی‌نی یئره توكــــدولر
چاغیردی یاردیما گلمه‌دی هئچ كس...
كســــنده باشــــینی خنــــــجر آغلادی
بس ندن بو سیرری بیلمه‌دی هئچ كس!؟
***
نیزه‌نین باشـــــیندا، دئـــدی گئتمه‌ییم
ظولوم دونیاسیندان خوشدور...! گئدیرم!
سوســدو دوداقــــلاریم فرات آدیندان
بو گونــــلر سولاردان نـــــیفرت ائدیرم

نه گؤزل...! گؤزومده، میدان دنیزدیر
باخدیقـــجا ساحیله مرجان گؤروره‌م
توپراق اوسته دوشَــن یئتمیش بدن‌دیر
هر بیــرین بیر آیه قـــورآن گؤروره‌م
***
نیسگیلین هله ده اود وورور منه
یانان چادیرلار تك یانیر اوره‌ییم
گؤز یاشــــیم دایانـــــمیر آدین گلنده
هر یــــــئری كربلا سانیر اوره‌ییم
***
د‌وشـــونوب تاریـــخ‌لر بونو ازل دن
دئـــییر آددیم-آددیم كوفــــه یالان‌دیر
كاغیــــذلار اوزونو قارالــــدیب قلم
وفاسیز عـــــهدلر، اوردا تالان دیر
***
سوســوز چؤلدور هله بو نــینوانی
شیعه‌نین گــؤزلری سوواراجـــاقدیر
اوره‌ك‌دن سـسله‌سن، اباالفضل آدین
ســــنی كربــــــلایه آپـــــــــاراجاقــدیر...

+0 به‌ین

گؤنده ريليب تاريخ سه شنبه 13 آبان 1393يازار بولاق
|
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ