Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
بیردن اؤزله‌دییین اوزوده چوخ-چوخ اؤزله‌دییین بیری وار آنلارسان، آنلارسان گولوشلری گؤیلونه دوشوب، آنلارسان اوزونده كی اؤزل میمیك‌لر اوچون داریخیب‌سان، بیر كئفلی كیمی یئریشینه داغیلیب‌سان، گئجه چوخ آغیر دوشر اوستونه آغلارسان، آغلارسان، آغلارسان و یئنه آغلارسان... آغلاماق‌لا گئجه بیتسه‌ایدی بیتردی، بیتمز. قالارسان گئجه‌نین آلتیندا... بیر یول آختارارسان بو گئجه‌نین آلتیندان چیخماغا، تاپانمازسان...سن تاپانمازساندا كئچمیش گلر سنی تاپار، آنی‌لارا سیغینارسان، سؤزلریز یادینا دوشر .
سن دئییردین سنی گؤرمك ایسته‌ییرم. او دئییردی تبریز كیچیك شهرایدی، بیر گون بیر یئرده بیر-بیریمیزه راست گلیب گؤره‌شه‌جه‌ییك. دئییردین شهرلری جغرافیا اؤلچولرله اؤلچمك دوز دئییل. اینسان‌لارین اوره‌یی‌ایله اؤلچمه‌لییك، اوره‌ك‌لر بیر-بیرینه یاخین اولسا شهر كیچیك‌دیر و هر گون ایكی آدام كی اوره ك‌لری یاخین‌دیر گوروشه بیلرلر، آمما ایكی آدامین كی اوره‌ك‌لرینده فاصله اولا، تبریز یوخ دونیانین ان كیچیك شهرینده، لاپ ائله قونشولوقدادا اولسالار او شهر اونلار اوچون دونیانین ان بویوك شهری ایدی... او زامان تبریز سیزین اوچون كیچیك شهرایدی و یازیق كی ایندی تبریز سیزه چوخ بؤیوكدو...
سن بیتدین، گؤز یاشلارین بیتدی، گئجه بیتمز و قالارسان اوستونه دوشموش گئجه‌نین آلتیندا؛ سئودا، سئودا، سئودا دئییرك و اوره‌یینده بیر اؤزلم، بیر سیخینتی، بیر داریخما، بلكه صاباحا چیخمادین، بلكه گونش بیرده سنین گؤیونده دوغمادی، بلكه اؤلدون و دیلیمه شیش باتسین، اؤلمه‌یین اونو راحاتسیز ائتدی، آغلاتدی ....
بلكه گونش چیخماق اوچون سون نفس‌لری گؤزله‌ییر، سن بیترسن سحر اولار، چوخ آغیر گئجه اوستونه دوشموش، گئجه كی بیتمز، سن بیت، سن اؤل... گونش چوخلاری‌نین گَره‌یی‌دی سنین كی دردینه دیمه‌دی.
1باخيش