لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

گلنده بیر قوجاق قوشمالاریندان
بیر آددیملیق وطن پای گتیر منه

ساوالان شاختاسین بوكوب بوغچایا
چیچكلی غنچه‌لی یای گتیر منه

آنامین ساچیندان بیتن حسرتی
 باجیمین گؤز یاشین چای گتیر منه

داغلارین باغریندان آییر لال سازی
بوغولموش بوغازدان های گتیر منه

اللرین گؤیلره چاتسا آ دوستوم
یالقیز بیر اولدوزام آی گتیر منه



پروفسور هئیته تقدیم

اوز توتوب تانریا گؤیلره گئتدین
سنه گؤی آغلادی اولدوز آغلادی
نئجه آغلامایاق باشسیز قالماغا
سنه یئتیم قالان تبریز آغلادی

قالدین اوزاقلاردا الیم چاتمادی
بایراقدا اولدوزون هئچ واخت باتمادی
اولدوزلار یوخلادی گؤزوم یاتمادی
آرخانچا دان یئری گوندوز آغلادی

گئتدییین یوللارین قاییتمازینا
اوخشادیق آغلادیق یاسلی سازینا
دورنالار دوزولدو سون نامازینا
بولودلار هؤنكوردو دنیز آغلادی

صمدیم آرازدا كرم آراندا
جانسیز اورمو گؤلوم قالدی هایاندا
سنه دده قورقود لایلا چالاندا
بابكیم دیز چؤكوب یالقیز آغلادی

یئنه ده شئه‌له‌دی گؤزو داغلارین
دؤنوبدو دیلقه‌مه سؤزو داغلارین
بورونوب دومانا دوزو داغلارین
دیلسیز نانالار پارپیز آغلادی

+0 به‌ین

گؤنده ريليب تاريخ یکشنبه 27 مهر 1393يازار بولاق
|
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ