لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

(1)

حیاتیمین تهلوكه‌سیز بؤلگه‌سی،
سنسن.
اللرین،
باریش سئوه‌ر بیر اؤلكه‌دیر
سرحد یوخدور
ساواش یوخدور...


(2)

سس‌سیز یاشایاجاقدیق
هر شئیی
سئومه‌یی ده
یاشاماغی دا
اؤلمه‌یی ده
بوراخمادیلار كی!


(3)

بو دونیانین آغزیندا
سئومك،
ساققیز دئییل كی چئینه‌سین
سن‌سیز،
دیل‌سیز، دوداق‌سیزدیر هر شئی...


(4)

یاغیش هر دیلده یاغیش دیر
اوزون كیرپیكلرینی-
باشیما چَك.


(5)

من بو قادینی سئویرم
یالنیزلیق كیمی
هئچ یانیمدا اولمادیغی كیمی
من بو قادینی سئویرم
ایچیمده بورخولان سس‌سیزلیك كیمی
من بو قادینی سئویرم.


(6)

یالقیزلیغین،
قادینی
كیشی‌سی
یوخدور
یا وارسان
یا یوخسان.


(7)

ایتیرم،
اوره‌ییندن چیخاردیب-
تاپاسان منی
ائله باخاسان،
هئچ باخمادیغین كیمی.


(8)

سس‌سیز باخیشدیق
سس‌سیز گولوشدوك
سس‌سیز گئدیریك
آمما
هارای قوپاجاق یوخلوغوموزدا.


(9)

سس‌سیز سویوندو یالنیزلیق
یئره تؤكولن پالتارلاردا-
گؤرولمه‌ین قوجاقلار وار
بیته‌جك بیر گون قیسا-اوزون حسرتلر.


(10)

چوخ ایسته‌دیم قورشون اولام-
وورولام بو بختسیز اوره‌ییمه
بیلیرم گؤزوندن دوشموشم،
اؤلسم ده گؤتوره‌نیم اولمایاجاق.

+0 به‌ین

گؤنده ريليب تاريخ سه شنبه 22 مهر 1393يازار بولاق
|
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ