Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
...
پاشانین پوشكونه پئشمانچیلیق دوشسه، ده‌ده‌شین قوپوزو باشیندا سینار. سیمی سیمینی قاریشدیرار. قاریشقانی جانینا سالار. قاراسینی آغینا قارا یاخانین عؤمرو قارا اولار. دوللار عوضینه یورو آلیب باش گؤتوروب گئدر آفریقایا. آفریقادا كرگدنلر بوینوزلاریلا هر نه‌یی اونا آنلادار. اونون آیاغی باشیندان قاباق قاچار آفریقادان.
آفی اوفونا قاریشانین قیریشینی اوتوله‌سن ده، صاف اولمایاجاق قیریشلاری. میریشین مارشینا دولاشانین گؤزونه چؤپ دوشر. دئشیك آختارار، خیرا بازاریندان باش چیخاردیب، چؤمچه بالیغینا چئوریلر. چمینی ایتیریب، آت بالیغینا دؤنر. دؤنر عوضینه پیتزا یئیر. پیتی‌سی ایچینده قاینایار.
قیریلمیشلارین قارشیسیندا دایانماق، ده‌ده‌شین قوپوزونو سیندیرماقلا آربادیر. آراباسی خارابالیقلاردا قالانین آتینین نالی چوخداندیر كی چورویوب. چكیلین قیراغا، قورباغالار آغ قانادلی آتلارین اوستونه مینیب، اوستوموزه گلیرلر. گولوشون آغزی بیر مئتیر آچیلاندا، آدامین آداملیغی یادیندان چیخیر. چنه‌سی قیفیللانیر. قافیه‌نی ایتیریب، هر نه‌یی بیتیریر. بیتین بالاسینین كئفی بیتدیلی چالاندا، میغ میغالار آت میلچه‌یینی مینیب، رجز اوخویارلار میداندا. دئییرلر مال میدانیندا قویونلارین سایی ماللاردان چوخ اولار. ایت میدانیندا سا ایت بوغوشدورانلارین سایی ایتلردن چوخ اولار. اولوب اولماماق مسئله بودور، آیاغی بودره‌یه‌نین قوموجو باتماغینا هئچ بیر سؤز یوخدور. سؤز دانا باش كندی و قونشولوغوندا اولان قاسیم بالا كندینین احوالاتیندان گئدیر. قاسیم بالا كندینده قاسیمین قیسیلمیش جسدینی تاپیب، آپاراندان سونرا، ایت آپاران اولسون دئدیلر قاسیمی آپارانلارا. په‌په‌لری كسیلسین یئرری دیبلی. دبك پاپالارینین پاخلا بئیین باشلاری داغیلسین.
1باخيش