Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
آذربایجان توركجه‌سینه چئویرن: بولاق
بؤیوك سئودا
قارداش، سن كی ایشیغا صاحیب، منیمكینی وئر منه.
كور كیمی‌یم. گئدیرم قرارسیزجا و جانسیزام.
فیرتینالار و اضطرابلار آلتیندایام
رویالارا كورام، موسیقی دلیسی‌یم آیریجا.
بودور دردیم: آرزولاماق.
شعر دمیردن بیر كؤینك، مین اینه‌لی، یارالاییجی،
روحومون اوستونده داشیدیغیم. تیكانلار -كی قان‌لی-دوشمه‌سینه بؤیوك‌سئودامین داملالارینا، ایجازه وئرمه‌ده‌دیر.
و گئدیرم ایندی بئله، كور و دلی، بو كیفسیمیش دونیادان؛
چوخ اوزون اولدوغونو دوشونور‌م یولون بعضَن،
كیمی زامانسا چوخ قیسا...
و بو جسارت دوراقلاییشیندا و جان وئرمه‌ده،
كدرلرله دولویام، گوج-بلا داشیمادا.
ائشیتمیرسنمی دوشمه‌سینی، بؤیوك سئودامین داملالارینین ائله‌‌جه؟
Çeviren: Ulaş Başar GEZGİN
وسپرال
سیئستا(گون‌اورتا یوخوسو) كئچدی،
آخشام ساعتی یاخینلاشیر،
ساحلده سس‌سیزلیك وار،
تروپیك(استوایی-گرمسیری) گونشینین یاندیردیغی ساحلده.
دنیز اسینتی‌سی یاواشجا اسیر،
غرب‌ده بیر مئشه
بنؤوشه‌یی آلوولارلا یانیر سانكی.
اوخوناقسیز بیر یازی اورتایا گتیرمیش
قوملاردا یانقیلیجلارین ایزلری.
صورتی دنیز بالیق‌قولاقلاری(صدفلری)،
زرلرله عكس اولونان صدفلر،
كیچیك ایلبیزلر(هلزونلار)، دنیز اولدوزلاری
باسیلدیقجا چیتیردایان بیر خالچا یاراتمیش
مئلودییالارلا بزنمیش ساحلده.
ونوس ایشیلدادیغی زامان،
قوتسال آخشامین او اوجا سئوگی‌سی،
لیر سسلری ائشیدیرم دالغالاردا،
دنیز قیزلارینین ماهنیلارینی.
و ایچیمده ونوس كیمی بیر اولدوز ایشیلداییر.
Çevirən: İdeal TAMER
پاییز سطرلری
دوشونجه‌م بوشالیر سنه دوغرو گئتدی‌می،
ائنَر دیبه او شیرین باخیشینین آلتیندا.
آخ، چیلپاق آیاقلارین آشاغیدا كؤپوك كیمی،
یئر اوزو سئوینجی‌دیر گوله‌ن دوداقلارین‌دا.
قیسا بیر جادو واردیر كئچیجی سئوگیلرده،
كی آغرییا سئوینجه برابر سون وئرسه گرك.
بیر ساعت ایدی، قارلارا بیر آدی یازدیم یئرده،
بیر دقیقه ایدی، قومدا سئوگی‌می سؤیله‌یه‌رك.
تؤكولور قوواق‌لی(سئپیدار آغاج‌لی) یولا ساری یارپاقلار،
ایچینده سئوگی‌لیلر گئدیب گلیركه‌ن یئنه.
و پاییزین با‌ده‌سینده بَلیرسیز بیر شاراب وار،
كی گوللرین، ائی باهار، دوشه‌جك ایچینه.
Çevirən: Sait Meden
5باخيش