Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
یازان: زهرا بادره
آجی میراث....!!
گئجه یاواش-یاواش قارانلیق پرده‌سینی ییغیب یئر اوزویله وداعلاشیردی...گونش داغلارین دالیندان بویلاناراق اوزون ساچلارین دارایا-داریا ایستیلی‌یینی، ایشیقلیغینی هدیه وئرمكله اؤز ایشینه گؤوه‌نیب، تاماشا ائدیردی. آمما بولودلاردا دینج قالمیردیلار، هردن گلیب گونشین ساچلارین قاتیب قاریشدیریردیلار. گونش صبیرله اونون بو جفاسینا دؤزوب، یئنه‌ده باش قالدیریردی.
بو زامان آللاهین بو بؤیوك یارادیجی یئرینین اوستونده، بیر بوجاقدا، بیر ائوده یـوخ، كومه‌ده بیر آنا ساعاتین سسیله یوخودان آییلیب، گئدیب اوغلونون باشینین اوستونده دایاندی. اوغلان گئجه یاتان چاغی تاپشیرمیشدی:
- آنااا صبح آلتی واقتیندا منی یوخودان چاغیر.
آنا درین محبتیله اونون قیزیل یاناقلارینین سارالماسینا، گؤزلرینین چوققورا دوشمه‌سینه باخدی، آغیر فیكیره گئتدی.
حیات‌یولداشینین ناخوشلاییب هرنه وار یوخلارین، ساتیب اونون درمانینا خرج ائتمك‌لری سونوندا، اونون آللاهین رحمتینه گئتمه‌سی، هامیسی بیر سینما پرده‌سی تك گؤزونون اؤنوندن سووشوردو.
اؤره‌كدن آه چكیب دئدی:
- بالا یوخسوللوغون اوزو قارا گلسین. سن اون‌ایكی یاشین اولمامیش نه واختین‌دیركی ائوین آغیر شله‌سین چییینینه آلاسان، سنین تای-توشلارین مكتبلرده درس اوخوییلار..... بو سؤزلریمی كیمه دئییم!
یازیقلارین دردینی كیم ائشیدیر؟ بو واخت گؤزونون یاشلاری اوغلونون اوزونه دامیب یوخودان آتیلدی...
- آنا ساعات نئچه دی؟!
ساعات آلتی دی بالا....
او گؤزلرین اووا-اووا یئریندن قالخیب پنجره‌دن ائشیه باخیب، گؤیو بولودلو گؤروب، سئوینیب دئدی:
- بیرآز یاغیش یاغسا بوگون منیم قازانجیم چوخ اولار. آخی بو بالاجا اوغلان یوخاری چهارراه‌دا ماشین‌لارین شیشه‌لرینه دستمال چكیردی...
گئجه یاواش-یاواش قارانلیق پرده‌سینی ییغیب یئر اوزویله وداعلاشیردی...گونش داغلارین دالیندان بویلاناراق اوزون ساچلارین دارایا-داریا ایستیلی‌یینی، ایشیقلیغینی هدیه وئرمكله اؤز ایشینه گؤوه‌نیب، تاماشا ائدیردی. آمما بولودلاردا دینج قالمیردیلار، هردن گلیب گونشین ساچلارین قاتیب قاریشدیریردیلار. گونش صبیرله اونون بو جفاسینا دؤزوب، یئنه‌ده باش قالدیریردی.
بو زامان آللاهین بو بؤیوك یارادیجی یئرینین اوستونده، بیر بوجاقدا، بیر ائوده یـوخ، كومه‌ده بیر آنا ساعاتین سسیله یوخودان آییلیب، گئدیب اوغلونون باشینین اوستونده دایاندی. اوغلان گئجه یاتان چاغی تاپشیرمیشدی:
- آنااا صبح آلتی واقتیندا منی یوخودان چاغیر.
آنا درین محبتیله اونون قیزیل یاناقلارینین سارالماسینا، گؤزلرینین چوققورا دوشمه‌سینه باخدی، آغیر فیكیره گئتدی.
حیات‌یولداشینین ناخوشلاییب هرنه وار یوخلارین، ساتیب اونون درمانینا خرج ائتمك‌لری سونوندا، اونون آللاهین رحمتینه گئتمه‌سی، هامیسی بیر سینما پرده‌سی تك گؤزونون اؤنوندن سووشوردو.
اؤره‌كدن آه چكیب دئدی:
- بالا یوخسوللوغون اوزو قارا گلسین. سن اون‌ایكی یاشین اولمامیش نه واختین‌دیركی ائوین آغیر شله‌سین چییینینه آلاسان، سنین تای-توشلارین مكتبلرده درس اوخوییلار..... بو سؤزلریمی كیمه دئییم!
یازیقلارین دردینی كیم ائشیدیر؟ بو واخت گؤزونون یاشلاری اوغلونون اوزونه دامیب یوخودان آتیلدی...
- آنا ساعات نئچه دی؟!
ساعات آلتی دی بالا....
او گؤزلرین اووا-اووا یئریندن قالخیب پنجره‌دن ائشیه باخیب، گؤیو بولودلو گؤروب، سئوینیب دئدی:
- بیرآز یاغیش یاغسا بوگون منیم قازانجیم چوخ اولار. آخی بو بالاجا اوغلان یوخاری چهارراه‌دا ماشین‌لارین شیشه‌لرینه دستمال چكیردی...
5باخيش