لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

گئجه كؤك سالدیقیجاق یوخلوغا آلقیش دئییلیر
وارلیغا سئوگییه نفرت دولو قارقیش دئییلیر
بوزوشور گؤزلریمیزده ایشیغین ایستیلییی
یازا – یاز چرچیوه‌سینده قوز-ایییه قیش دئییلیر
تكجه میزلر ماسالار اوسته قورولموش شاها یوخ
بلكه آلماس تاجی باشیندا شاها كیش دئییلیر
نعشه بازاریدی وارلیق كوزه‌لردن آخیشیر
خورنا چكمكده جاوانلار، قوجییا، ایش دئییلیر
عجبا ، گؤر، نئجه دووران ده‌یییشیب گردیشینی
هر اوزون بوغلییا، ساققالییا درویش دئییلیر
واختیدیر آغنییا داغلار سینه سیندن قایالار
ایندی قارران قوشا قیرقی، قوشا، بایقوش دئییلیر
كهنه‌لیك كوكلنیر آرتیق یاخیلیر فیكریمیزه
تزه‌لیكلر سارالیر سانكی، خزانمیش دئییلیر
نئیلی‌ییم شاختا سازاق تك، منی سانجیر باخیشین
گئجه آلقیشلاناراق گوندوزه قارقیش دئییلیر
سحریم یان الوو آلسین گئجه‌لر هیكلینی
سانكی یانماق، اونا ایللردی، په-شئی-میش دئییلیر

+0 به‌ین

گؤنده ريليب تاريخ دوشنبه 8 مهر 1392يازار بولاق
|
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ