لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

بؤیوك قولاقلیقلار

آنادولو توركجه‌سیندن اویغونلاشدیران: بولاق

یئنه عینی ساعاتلاردا بالكونا چیخمیشدی. یئنه اوردایدی ایندی. بؤیوك قولاقلیقلاری قولاغیندایدی. گولور، اَیله‌نیردی. او سیررلی ایدی. سسینی هئچ حیس ائتمه‌دی اونون. اوزونو ایشیقلیقدا هئچ گؤرمه‌دی. او ائوده یاشاییردی تك باشینا. قونشولاری ایدی. بیر نئچه دفعه آناسیندان سوروشدو اما آناسی بیلمه‌دییینی سؤیله‌دی. ایكی‌سینین آراسیندا بیر شئی وارایدی. عینی ساعاتدا گؤروشمه آیارلایان سئوگیلیلر كیمی‌ایدیلر. ایكیسی ده بالكونا او ساعاتدا چیخاردیلار. او موسیقی‌سینی دینله‌یردی. گولردی. منده اونو ایزلردیم هم ده هئچ سیخیلمادان و چوخ گئج اولونجا دا آیریلاردیلار آرتیق. سون بیر آیدا اونا باغلانمیشدی اما بیلیردی قیزدا اونا باخیردی. دونن بیله‌رك قاپی‌دا دایانمیشدی. قیز تام اونون دایاندیغی یئره باخمیشدی و ایچری گیرمیشدی. ۵ دقیقه سونرا الینده قهوه‌سیله گئری دؤنموشدو. گونلری بئله كئچركن بیر گون آناسی قیز تاپدیغینی و او آرتیق ائولنمه‌سی لازیم اولدوغونو سؤیله‌دی. اعتراض ائتسه ده صاباح او قیزلا یئمك یئیه‌جكدی. صاباحیسی گون اولونجا قیزلا یئمه‌یه گئتدی. اما قیزی سئومه‌دی. بو قیز اونون سئودییی قیز كیمی گولموردو. نه تور موسیقی سئودییینی سوروشموشدو بیله‌رك اما قیز موسیقی دینله‌میردی. سئومیردی. اما سئودییی قیزین بؤیوك قولاقلیقلاری وارایدی. همیشه قولاغیندایدی. اما آناسی او قیزلا ائوله‌نمه‌سینی ایسته‌ییردی. گئدیب سئودییی قیزلا دانیشماغا قرار وئردی. آخشام بالكونا چیخدی اما او یوخ ایدی. بیر ایكی دئیركن قیز یوخ ایدی. ائرته‌سی آخشام یئنه بالكونا چیخدی. قیز یوخ ایدی اما اوتوردوغو یئرده قولاقلیقلاری وارایدی. ائوده‌ایدی ایندی. بیر ایكی گون ده اولسا عقلینه 'احتیماللار' گتیرمه‌مك اوچون چوخ چالیشمیشدی. ائودن چیخدی. قاپیسینی دؤیدو. اما كیمسه آچمادی. تاختادان بیر قاپی ایدی. بیر آز زور گلندن سونرا قاپی آچیلدی. اما هر یئر بوم-بوش‌ایدی. اوتاقلاری گزدی. دیوارلارا هپ كاغیذلار یاپیشدیریلمیشدی. ائوین هر یئری كاغیذدان دولو‎ایدی.. مطبخه باخدی. یالنیز قهوه‌لر و سو. بالكونا چیخدی. بؤیوك قولاقلیق، تلفن و بیر كاغیذ وارایدی. كاغیذدا ‘'قولاغینا تاخ'' یازیلمیشدی. قولاقلیغی تئز قولاغینا كئچیردی. بو اونون سسی‌می دئیركن حیس ائده بیلیردی اونون سسی اولدوغونو. بیر شئیلر سؤیله‌ییردی. سسی دوم-دوزایدی آمما... ‘'سلام . آدینی بیلمه‌سم‌ده سن منیم ناغیلیمین قهر‌مانی‌سان. بیز هر گون عینی ساعاتدا گؤروشوروك. من ایلك سنی دوشوندوم و سونرا سن منی. تانیش اولمالییدیق سنله آمما اولمادی. حیاتینا گیره بیلمه‎‌ر‌م سنین. هئچ تخمین ائتمیه‌جكدین بیلیرم اما "كار"ام من. همیشه قولاقلیغیمی تاخارام اما بوشو بوشونا. قولاقلاریمین وار اولماسینی ایسته‌ییرم. ائوی بلكه گزدین. هر یئرده سن وارسان. گؤردویوم قدریله سنی چكدیم، سنی یازدیم. گئتمه‌لییدیم چونكو منی دوشوندون و ایمتینا ائتمه‌دین. بیزیم ناغیلیمیز اولمازدی پرنس‌یم. سسیمی خاطیرلامیرام. بونو قئید ائتدیم اما نئجه اولدو بیلمیرم. باغیشلا منی.'' دوغرو ایدی‌می؟ سحره قدر دینله‌دی. آنلایا بیلمه‌دی. قولاقلیقلاری، كار اولماسی، بونا گؤره اونو بوراخماسی. گونشی دوشوندو. بیر آزدا اولسا اؤزونه گلینجه ائوی گزدی. گئجه فرق ائتممیش‌دی اما هر یئرده او واردی‌دی. چكمیش‌دی اونو. گؤردویو قدریله. یازیلار وارایدی. اونلاری ییغدی. مطبخده‌كی قهوه‌لرین یانینا ''سنه عایید اولانلار'' یازیلمیشدی. اونلاری گؤتوردو و ائوه گئتدی. یازیلاردا هپ اونو آنلاتیردی. بیرلیكده سوووشدوردوغو آنلارا گؤره اولانلار؛، ایكی‌سی حاقین‌داكی خیاللار، گئتمه‌سی لازیم اولدوغو. بیر یازی‌داكی جمله اونو تسیرلندیردی. یعنی ان چوخ‌دا او جمله. سون كاغیذدا، ویدا یازی‌سیندا، سون گئجه‌لرینده‌كی گؤروشمه‌ده یازمیشدی. ‘'هر شئیی‌دن كئچه بیلدیم اما پرنس‌یم سسینی لاپ چوخ اؤزله‌دیم. منی نئجه خیطاب ائدردین گؤره‌سن؟؟'' هر كسله دانیشاركن دقت بئله ائتمه‌دیی او شئی، سسی او چوخ سئودییی اوچون چوخ اؤنملی ایدی ایندی. یازیلار، قهوه‌لر قورتاردی. بالكونا عینی یئرینه چیخدی. گؤروشون واختی ایدی. بو سفر بؤیوك قولاقلیقلاری او تاخدی. اونون سسینی ایلك و سون دفعه ائشیدركن خاطیرلادیغی قدریله اونو ان گؤزل شكیلده تصویر ائتدی.

Böyük Qulaqlıqlar

Yenə eyni saatlarda balkona çıxmışdı. Yenə orada idi indi. Böyük qulaqlıqları qulağında idi. Gülür, əylənirdi. O sirrli idi. Səsini heç DUYMADI onun. üzünü işıqlıqda heç görmədi. O evdə yaşayırdı tək başına. Qonşuları idi. Bir neçə dəfə anasına soruşdu amma anası bilmədiyini söylədi. İkisinin arasında bir şey varidi. Eyni saatda görüşmə ayarlayan sevgililər kimi idilər. İkisi də balkona o saatda çıxardılar. O musiqisini dinləyərdi. Gülərdi. Məndə onu izlərdim həm də heç sıxılmadan və çox gec olunca da ayrılardılar artıq. Son bir ayda ona bağlanmışdı amma bilirdi qızda ona baxırdı. Dünən bilərək qapıda dayanmışdı. Qız tam onun dayandığı yerə baxmışdı və içəri girmişdi. 5 dəqiqə sonra əlində qəhvəsiylə geri dönmüşdü. Günləri belə keçərkən bir gün anası qız tapdığını və o artıq evlənməsi lazım olduğunu söylədi. Etiraz etsə də sabah o qızla yemək yeyəcəkdi. Sabahısı gün olunca qızla yeməyə getdi. Amma qızı sevmədi. Bu qız onun sevdiyi qız kimi gülmürdü. Nə növ musiqi sevdiyini soruşmuşdu bilərək amma qız musiqi dinləmirdi. Sevmirdi. Amma sevdiyi qızın böyük qulaqlıqları varidı. həmişə qulağında idi. Amma anası o qızla evlənməsini istəyirdi. Gedib sevdiyi qızla danışmağa qərar verdi. Axşam balkona çıxdı amma o yox idi. Bir iki deyərkən qız yox idi. Ertəsi axşam yenə balkona çıxdı. Qız yox idi amma oturduğu yerdə qulaqlıqları varidi. Evdə idi indi. Bir iki gündə olsa ağılına 'ehtimallar' gətirməmək üçün çox çalışmışdı. Evdən çıxdı. Qapısını döydü. Amma kimsə açmadı. Taxtadan bir qapı idi. Bir az zor gələndən sonra qapı açıldı. Amma hər yer bomboş idi. Otaqları gəzdi. Divarlara həp kağızlar yapışdırılmışdı. Evin hər yeri kağızdan dolu idi.. Mətbəxə baxdı. Yalnız qəhvələr və su. Balkona çıxdı. Böyük qulaqlıq, telefon və bir kağız varidı. Kağızda ‘'qulağına tax'' yazılmışdı. Qulaqlığı tez qulağına keçirdi. Bu onun səsimi deyərkən hiss edə bilirdi onun səsi olduğunu. Bir şeylər söyləyirdi. Səsi dümdüzidi amma... ‘'səlam . adını bilməsəm də sən mənim nağılımın qəhrəmanısan. Biz hər gün eyni saatda görüşürük. Mən ilk səni düşündüm və sonra sən məni. Tanış olmalıydıq sənlə amma olmadı. Həyatına girə bilmərəm sənin. Heç təxmin etməyəcəkdin bilirəm amma karam mən. həmişə qulaqlığımı taxaram amma boşu boşuna. Qulaqlarımın var olmasını istəyirəm. Evi bəlkə gəzdin. Hər yerdə sən varsan. Gördüyüm qədəriylə səni çəkdim, səni yazdım. Getməliydim çünki məni düşündün və imtina etmədin. Bizim nağılımız olmazdı prənsim. Səsimi xatırlamıram. Bunu qeyd etdim amma necə oldu bilmirəm. Bağışla məni.'' Doğru idimi? Səhərə qədər dinlədi. Anlaya bilmədi. Qulaqlıqları, kar olması, buna görə onu buraxması. Günəşi düşündü. Bir azda olsa özünə gəlincə evi gəzdi. Gecə fərq etməmişdi amma hər yerdə o vardidı. Çəkmişdi onu. Gördüyü qədəriylə. Yazılar vardidi. Onları yığdı. Mətbəxdəki qəhvələrin yanına ''sənə aid olanlar'' yazılmışdı. Onları götürdü və evə getdi. Yazılarda həp onu anlatırdı. birlikdə sovuşdurduğu anlara görə olanlar;, ikisi haqqındakı xəyallar, getməsi lazım olduğu. Bir yazıdakı cümlə onu təsirləndirdi. Yəni ən çoxda o cümlə. Son kağızda, vida yazısında, son gecələrindəki görüşmədə yazmışdı. ‘'Hər şeyidən keçə bildim amma prənsim səsini lap çox özlədim. Məni necə xitab edərdin görəsən??'' hər kəslə danışarkən diqqət belə etmədiyi o şey ,səsi o çox sevdiyi üçün çox əhəmiyyətli idi indi. Yazılar, qəhvələr bitdi. Balkona eyni yerinə çıxdı. Görüşün vaxtı idi. Bu səfər böyük qulaqlıqları o taxdı. Onun səsini ilk və son dəfə eşidərkən xatırladığı qədəriylə onu ən gözəl şəkildə təsvir etdi.

+0 به‌ین

گؤنده ريليب تاريخ شنبه 30 شهریور 1392يازار بولاق
|
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ