لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...


آنادولو توركجه‌سیندن اویغونلاشدیران: بولاق

1)

دار دونیا

اوره‌ییم گؤوده‌مه سیغمیر
گؤوده‌م اوتاغیما
اوتاغیم ائویمه سیغمیر
ائویم دونیایا
دونیام كائیناتا سیغمیر
پارتلایاجاغام
آغریمین آغریسیندان سوسموشام
كی سوسقونلوغوم گؤیلره سیغمیر
بئله بیر آغرینی كیملره نئجه آنلاتاجاغام
كؤنول دار گلیر سئوگیمه
باشیم بئینیمه
آه شقیقه‌لریم
چاتلایاجاغام
آنلادیم آرتیق آنلادیم
كیمسه‌لره آنلاتامایاجاغام


2)

یوخلوغونداكی سن

یئنه تك دئییلم هر زامانكی كیمی
بو اوزاق‌دوغو* گئجه‌سینده یوخلوغونلایام
آرامیزدا ایرمی‌بئش‌مین كیلومئتر
سن قیشداسان من یایدایام
سن بیر یاریسیندا دونیانین
من كنار یاری‌سیندایام
یئنه ده بوراخمیر اللریمی یوخلوغون
داها دا بیر كؤنلومجه‌‌سن
وارلیغیندان مین قات گؤزل
او یالیمسال** چیلپاقلیغین یالاز یالاز***
و ان گیزلردن دانیشاركن اللرین
ایچیمدن گلمیر مكتوب یازماق دئمه‌دن
سئویشیریك ایرمی‌بئش‌مین كیلومئتردن



3)

یوخ

كیتابیمی سنه حصر ائتمك ایسته‌دیم
گؤزلرینه باخدیم
گؤزلرین یوخ
اؤپمك ایسته‌دیم
اوزونه باخدیم
اوزون یوخ
توتماق ایسته‌دیم الینی
الین یوخ
دینله سؤزلریمی اوره‌‌یه ایشله‌ین قولاقلارین یوخ
آنلات منه بیر شئی آنلات
دیلین یوخ
هایدی یان-یانا
یانین یوخ
كیتابیمی سنه حصر ائتمك ایسته‌دیم
آدین یوخ
گؤیرچین گتیردی شعریمی گئرییه
بو دونیادا آنلاتدیغین قادین یوخ...


*شرق دور
** پیچاق كیمی كسیجی آراجلارین كسكین اوزو.
*** یانما ایله اورتایا چیخان، قیزغین و ایشیقلی گاز كوتله‌سی.



1)

DAR DÜNYA

Ürəyim gövdəmə sığmır
Gövdəm otağıma
Otağım evimə sığmır
Evim dünyaya
Dünyam kainata sığmır
Partlayacağam
Ağrımın ağrısından susmuşum
Ki susqunluğum göylərə sığmır
Belə bir ağrını kimlərə necə anlatacağam
Könül dar gəlir sevgimə
Başım beynimə
Ah şəqiqələrim
Çatlayacağam
Anladım artıq anladım
Kəslərə anlatamayacağım

 

2)

YOXLUĞUNDAKI SƏN

Yenə tək deyiləm hər zamanki kimi
Bu Uzaqdoğu gecəsində yoxluğunlayam
Aramızda irmibeşmin kilometr
Sən qışdasan mən yaydayam
Sən bir yarısında dünyanın
Mən kənar yarısındayam
Yenə də buraxmır əllərimi yoxluğun
Daha da bir gönlümcesin
Varlığından min qat gözəl
**O yalımsal* çılpaqlığın yalaz yalaz
Və ən gizlerden danışarkən əllərin
İçimdən gəlmir məktub yazmaq demədən
Sevişirik irmibeşmin kilometrdən

 3)

YOX

Kitabımı sənə həsr etmək istədim
Gözlərinə baxdım
Gözlərin yox
Öpmək istədim
üzünə baxdım
üzün yox
Tutmaq istədim əlini
Əlin yox
dinlə sözlərimi ürəyə işləyən qulaqların yox
Anlat  mənə bir şey Anlat
Dilin yox
Haydı yan-yana
yanın yox
Kitabımı sənə həsr etmək istədim
Adın yox
Göyərçin gətirdi şeirimi geriyə
Bu dünyada anlatdığın  qadın yox..


piçaq kimi kəsici aracların kəskin üzü.*
 Yanma ilə ortaya çıxan, qızğın ve ışıqlı gaz kütləsi. **

+0 به‌ین

گؤنده ريليب تاريخ جمعه 22 شهریور 1392يازار بولاق
|
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ