لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...
دولو بیر سوكوتلا یاشاییر گئجه
سسینی ایچینده بوغوبدو سانكی
زاهی قادین كیمی ال آیاق چالیب
یئنی‌دن بیر سحر دوغوبدو سانكی

بو سحر كؤرپه بیر اوشاغا بنزر
هر آن دا یام-یاشیل قول قاناد آچیر
جالانیر اوستونه گونشین نورو
سانكی او یئنی‌دن بیر حایات آچیر

دومان باشین آلیر چن باشین آلیر
سیخیلیر دوماندان اوره‌یی اونون
دارایی داغ اوسته گوموش ساچلارین
یوكسه‌لیر گؤیلره دیله‌یی اونون

یام-یاشیل تارلانی آشیب كئچنده
چیچه‌یین عطرینه بولاشیب قالیر
دوم-دورو بولاغین سویون ایچنده
عطیرلی لئچه‌یی دولاشیب قالیر

آستاجا یئتیشیر بیر آخشام چاغی
گونشین سولماغی سون باهار كیمی
او اؤترگی عؤمور بو آخشام چاغین
گؤسته‌ریر سحره بیرینجی غمی

+0 به‌ین

گؤنده ريليب تاريخ دوشنبه 26 فروردین 1392يازار بولاق
|
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ