Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
(17 یاشلی "سمانه حبیبی مقدم"ین بو اؤیکوسو آنامین یایلیغی جشنواره‌سینین اوشاقلار
توروندا ان یوخاری ایمتیازلا بیرینجی یئری قازانمیشدیر. بئله‌لیکله بولاق
درنه‌‌یی‌ده سیزی بو اؤیکونو اوخوماغا دعوت ائتمکله، اؤز نوبه‌سینده بو
اوغورو تبریک دئییر...)زلزله
آللاهین گوشی سی ویبره یه گئتدی، عزرائیل پشت خطی ایدی
شهرین گؤیلرینی قره بولودلار محاصره ائله‌میشدی... اینسانلار شیرین یوخودا، کئچیرتدییی گونون دردلرینی یاددان چیخارتمیشدیلار... هر یئر قارانلیق ایدی... شهر سوسقونلوقدا یاتمیشدی... کی بیردن بیر مهیب سس کل شهری دیسکیندیردی...(دپره‌م...یئر ترپنمه‌سی...) اوچ ثانیه‌نین ایچینده کل شهر ویران اولدو. آخ...آخ کی کل شهر اوچوقوندی... اینسانلار بی خبری ده یوخونون ایچینده، ابدی یوخویا گئتدیلر...هئچ کس دیری قالمامیشدی. آقا...نئچه کیلومتر شهردن اویانلیق، قونشو شهرلرین بیرینده کی او شهر یاخین ایدی. دپره‌مین موجیلا لرزه توشموشدو. آمما خسارت او بیرسی شهره نیسبت آز ایدی و شهر بیراز ترپنمیشدی. مردم قورخولاریلا ائولریندن چیخمیشدیلار چؤله، هئچ کس قورخوسوندان جرات ائله‌ییب ائوینه گئتمیردی صوبحه جن بئله کئچدی و مردم بی خبری ده شهرین خیابانلاریندا گئجه‌نی صوبحه یئتیردیلر...
صوبح کی اولدو خبرلر باشلاندی. خطر دوز قولاقلارینین بؤیرونده ایدی...اخبار اعلام ائله‌میشدی احتیاط اوچون هئچ کس گئجه‌نی ائوده قالماسین...گئجه کی اولدو هئچ کس ائولرده دئییل ایدی. مردم ایسته‌میردی او بیرسی شهرین آدام‌لاری تکی بی خبری ده دونیانان ساغوللاشا...
هامیسی پارک‌لاردا مستقر اولموشدولار...هامی...به غیر از بیر اوغرو، بیر اوغرو کی هر ایل "سیزده به در" ده فورصت دن استفاده ائله‌ییب بوش ائولردن اوغورلوق ائله‌ییردی و ایندی اونا بهترین فورصت ایدی کی اینسانلارین یوخلوغوندان قشی جیبینه پول وورا...بیر تک یالقیز آدام ایدی...آناسی اؤلمه‌میشدن قاباق نه قدر اصرار ائله‌دی آمما آراز قبول ائله‌مه‌دی کی ائولنه. دئییردی آخی آناجان من اؤزومونده خرجیمده قالمیشام، نیه خالخین قیزین یازیق ائلئم؟
کل دونیادا 18 یاشیندا قارداشی واریدی کی اوردا ایکی ایل ایدی قتل جورمونه بازداشت ایدی. آراز دا اونون دیه‌سینه گؤره اوغورلوق ائله‌ییردی... سعید قارداشی 16 یاشیندا اولاندا کوچه‌ده اوشاق‌لارنان ساواشمیشدی و یولداشین ایته‌له‌میشدی و شانسیندان یولداشی‌نین باشی ده‌یمیشدی کرپیچه و قلبی تئز-تئز وورودو...بیر طرفدن بو اوغورلوغا گؤره اوزو گولوردو، بیر طرفدن ده ده‌پرمین قورخوسوندان قلبی دؤیونمه‌یه دوشموشدو...
خیابانا کئچدی... نه قدر ماشین؟ بونلار نه دن قاچیرلار؟ عزرائیل دن؟؟؟
خیابانین آخیرلرینده کئچدی بیر تیریشکه کوچه‌یه. اوچ دؤرد دنه ائو وار ایدی. ایکینجی ائوین دیواریندان چیخدی اوسته...
چیراقلار خاموش ایدی، پس حتما هئچ کس یوخ ایدی. دوشدو حه‌یه‌طین ایچینه...بیر جیققیلی حه‌یه‌ط ایدی، بیر گوشه‌سینده جیققیلی حامام دستشویی واریدی کی قاپیسی آچیق ایدی. حه‌یه‌طین بیر گوشه‌سینده بیر بوشکه وار ایدی. احتیاط اوچون گئتدی بوشکه‌نین دالیندا گیزلندی... قولاغین تیز ائله‌دی کی گؤره سس گلیر یا یوخ...هئچ سسی گلمیردی، یاواججالی-یاواججالی کئچدی ائوین ایچینه...ائوین گیره‌جه‌یینده یئکه هال وار ایدی. هالین بیر طرفینده ایکی قاپی و او بیرسی طرفینده ده بیر قاپی وار ایدی. گئتدی ساغ طرفده کی تک قاپی‌نین طرفینه. قاپینی آچدی. آشپازخانادا ایدی. باشلادی گزمه‌یه. کل کابینت‌لری گزدی. درده ده‌ین بیر شئی تاپمادی.
اوردان چیخدی چؤله. گئتدی هالین سول طرفینه. اوتاقلارین بیرینین قاپیسینی آچدی...کئچدی ایچینه. یئکه تخت‌خواب‌لا ایکی دنه کمد اوتاقدا واریدی. کمدلاری گزدی. جیققیلی جعبه‌نی آچدی: ایکی دنه اوزوک، اوچ دنه سیرغا، بیر دنه بویون باغی و بیر دنه ده بیلرزیک....
آراز؛ به به...اگر هر ائودن بئله شئی‌لر تاپسام سعیدی زیندان‌دان چیخارتمالیام.
قیزیل‌لاری تئز تؤکدو کیفینه و اوتاقدان چیخدی و او بیریسی اوتاغا کئچدی. بیردن بیره گؤردویو صحنه‌دن قورخدو. ایکی قدم گئتدی دالا...
اوتاقدا بیر قوجا آرواد وار ایدی کی یاتمیشدی. آراز ایسته‌ییردی آرام اوتاقدان چیخا چؤله کی بیر خیشیلتی سس ائشیتدی...
اوغلوم عسگر سنسن؟ سوسوزام، منه بیر لیوان سو گتیر. اوغلوم عسگر...عسگر. آراز بیر لحظه توقف ائله‌دی. اؤز رحمتلیک آناسی گؤزونون قاباغینا گلدی. جرئتی یوخ ایدی کی او آروادی ائله هئله قویا. گئتدی آشپازخانادان بیر لیوان سو گتیردی. قوجا آروادین قیافه‌سیندن معلوم ایدی کی چوخ چتینلیک چکیب.
آراز اؤزویله دئییردی: گؤر بو آرواد نه قدر بو ائوده ایضافه دی کی اؤزلری جانلارینی گؤتوروب قاچیبلار و بونو ائوده تک قویوبلار.
آخ کی نه قدر پیس بالالاری واردی. کاش آنام دیری اولئیدی. من کی هئچ وده اونو تک قویمازدیم.
آراز پریشان افکارلا ائودن چیخدی چؤله...
یاریم ساعات خیاباندا بدون مقصد گشت ووردو، ولی تئز اؤزونه گلدی:
گرک بو افکاری اؤزومدن اوزاقلادام. گرک قارداشیم سعیده گؤره گئدم اوغورلوغا. آی آللاه کاش من سعیدین یئرینده اولئیدیم. او یازیق هله دونیا دا چوخ آرزوسو وار...
کئچدی اولین کوچه‌یه‌کی یولونون آغزیندایدی.
اولین ائوین دیواریندان چیخدی اوسته. کل ائوی گزدی، آخیر ده ده ایکی اوزوک‌له چیخدی چؤله...
دییه‌سن چوخ راضی دئییل ایدی. ائله همان کوچه‌ده ایکینجی ائوین دیواریندان چیخدی اوسته.
یئکه حه‌یه‌طی وار ایدی...حه‌یه‌ط دن کئچدی ائوین ایچینه. یئکه ائو ایدی. ایکی طبقه ایدی. ایکینجی طبقه هال داکی پله لرله اول طبقه‌یه یول واریدی. اول طبقه ده یئکه هال، دؤرد دنه اوتاق و بیر دنه آشپازخانا کی اوپنله هال دان آیریلمیشدی. بیر-بیر اوتاق‌لاری گزدی. اوتاقلارین بیریندن اون-اون‌بئش دنه تئراوئل و ایکی دنه النگو تاپدی.
پیلله‌لردن چیخدی اوسته. ایکینجی طبقه ده ایکی اوتاق وارایدی. اوتاقلارین بیری روشن ایدی...
یاواججالی گئتدی اوتاغا طرف. سس گلمیردی. یاواججالی قاپیسین آچدی. وای...دییه‌سن من گرک هر ائوده اعصابیم بیر جور خرد اولا...بیر معلول اوغلان. یازیق. دییه‌سن منیم کیمی آداملار چوخدولار.
یازیق اوغلان...آرازین خبری یوخ ایدی کی بو اوغلان نه قدر زجر چکیب. نئچه ایل ایدی کی اؤز آناسینی الدن وئرمیشدی. آتاسی نیظامیدی. چوخ موقعلر ائوده تاپیلمیردی و ماموریت‌ده ایدی. اونا گؤره مرتضی‌نین آناسی اؤلندن سونرا تزه‌دن ائولنمیشدی تا اینکی مرتضی دان بیر نفر مراقبت ائله‌سین...
آتاسی‌نین ائولن‌مه‌ییندن سونرا مرتضی‌نین قارا گونلری باشلانمیشدی. ننه‌لییی چوخ خبیث آدام ایدی و مرتضی‌نی زندگی‌سینده ایضافه گؤروردو. اونا گؤره بیر فورصت گزیردی کی مرتضی‌نی زندگی‌سیندن آتا چؤله و یا اونون شرریندن خیلاص اولا و بو زلزله بهترین یول ایدی...چون آتاسی دا ماموریت‌ده ایدی. مرتضی‌نی تک قویوب، اؤز جانینی گؤتوروب قاچمیشدی و تئز-تئز آروزلاییردی ائو مرتضی‌نین باشینا اوچا...آلله نه قدر ظالیم آدام چوخدو.
آرازی او اوغلانین فیکری گؤتورموشدو...حالی خاراب ایدی. ولی مجبور ایدی کی گئده...ائودن چیخدی چؤله...قلبی تئز-تئز ووروردو، آمما بیلمیردی نه یه گؤره؟ بی جور حس ایچری‌دن ذهنینی قیدیقلاییردی و مغزینین مولکول‌لارینی اویناماغا توتموشدو.
ساعات دؤرد ایدی، آخرین ائوه کئچدی، ولی پشیمان اولدو. بیر جیققیلی ائوده آخی نه مه نه اولا بیلر؟ ولی دای کئچمیشدی ائوین ایچینه.
دای حؤصله‌سی یوخ ایدی ائوی گزه. فقط سعیدین فیکری اونا روحیه وئریردی. ایسته‌دی کئچه اوتاقلارن بیرینه کی بیردن بیره بیر سس اونو یئرینده میخکوب ائله‌دی...
آللاه دای بونو قبول ائلیه بیلمه‌رم. دای بو کؤرپه‌نی نییه قویوب گئدیبلر؟
آراز...آی آراز...سن هئچ نه بیلمیسن...(آللاهین سسی ایدی...) شاید اگر سنده بو اوشاغین یازیق آناسینین یئرینده اولسایدین بو ایشی گؤرردین. بو اوشاق...بو اوشاق نامشروع دور...سارا آناسیدی. سارا بیر تک قیز ایدی، آتاسی چوخ ثروتلی ایدی. آمما بیردن بیره ورشکست اولور و سکته ائله‌ییر و بیر آی دان سونرا چوخ داوام گتیرمیر و اؤلور. سارا آناسینی چوخ اوشاق اولاندا الدن وئرمیشدی. آتاسی اؤلندن سونرا، سارانین عمه‌سی اونو زورلا بیر کیشی‌نین عقدینه چیخاردیر و سارانین پیس گونلری باشلاییر. او کیشی کی چوخ موقعلر مست ایدی دوز آدام دئییل ایدی. بیر سئری کی سارا یاتمیشدی احساس ائله‌دی کی بیر نفر اونون بدنی‌نی لمس ائدیر. بلی...سارانین اری اونو ساتیردی...آخیرده ده سارا بیلیر کی حامیله‌دی. آمما آخی کیمدن؟ اوره‌یی گلمیردی اوشاغی سقط ائلیه، آمما اوشاق دونیایا گلندن سونرا پئشمان اولور، چون اری ده او حامیله اولان زاماندان دونیادان گئدیر و سارا تک قالیر. اونا گؤره بو اوشاغی قویوب گئتمیشدی...
آراز اوره‌یینده دئییردی کاش وضعیم یاخجی اولایدی. اوندا حتما بو اوشاغی گؤتوروب آپاراردیم و اؤزوم ساخلاردیم.
ساعات بئشه آز قالیردی کی آراز ائودن چیخدی چؤله... او ائودن هئچ نه گؤتورمه‌میشدی، حالی خاراب ایدی.
صوبح کی اولدو کل شهر غلغله ایدی و شهرین بی تاییندا آراز تک خیابانلاردا در حالیکی فیکره گئتمیشدی قدمله‌ییردی و قارداشی‌نین دییه‌سینین پولونا فیکیرله‌شیردی. زیندانین سقفی اوچموشدو و کل زیندانی‌لر آوار آلتیندا جان وئرمیشدیلر...و آرازین خبری یوخ ایدی کی قارداشی سعید ده او زینداندا جان وئریب...
8باخيش