لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

سوتو ،سودان آییر!

مشدی حیدریله  زولفعلی،  ایكی قارداش كندده یاشاییردیلار. بو قارداشلارین، تكجه بازآغیلی زمیلرینی سووارانده سؤزلری چیخاردی، یوخسا آیری اختلاف‌لاری یوخ ایدی.
زولفعلی، قبیر اوستونون قورخمالی ماجرالارینی دفعه‌لرله كندلی‌لردن ائشیتمیشدی. مثلا دئیردیلر: "گئجه‌لرین بیرینده، یوسفعلی چؤلدن كندده گلنده، قبیرلرین بیریندن، اوت- آلووون قالخماسینی گؤرموشدو. او قبیری نیشانلاماق اوچون، اؤز ده‌ینه‌یینی آلوولانان قبیرین قیراغینا آتمیشدی. آنجاق سحر چاغی قبیر اوستونه گئدیب گئجه آتدیغی ده‌ینه‌یی قبریستانلیقدان ائشیكده گؤرموشدو!" بئله سؤزلرین قورخوسو، زولفعلی‌نین جانینا دوشموش ایدی. اوناگؤره، اونلارین گره‌لری گئجه چاغینا دوشسه‌یدی، هئچ زامان قارداشینا یاردیم اوچون زمی‌لری سووارماغا گئتمزایدی.

آردي

+0 به‌ین

گؤنده ريليب تاريخ یکشنبه 23 آذر 1393يازار بولاق

باللیجا و آغام وای اولایی...

خان-رعیت زامانلاریندا باللیجا-نصرآوا-آلنی و ساروانلار كندلری نین مالیكی ماضدؤله خان ایمیش! ماضدؤله خان اولدوغونا باخمایاراق چوخ یاخشی كیشی ایمیش و باشقا خانلارا قاتیلمامالی ایمیش!
بو رحمتلیك كیشی نین یاخشیلیقیندان دولایی بو كندلرین او زامانكی ساوادلی لاری نین چوخلوغو و دئمه لی یم رعیتی اؤزگور بوراخماق سببیندن بو كندلرده آذربایجانین دئموكرات فیرقه سینده چوخلو اویه لر یارانماسی ایدی.
باللیجانین داغلیق اولدوغوندان دولایی اكینه جك باخیمیندان بؤلكه ده اؤنده اولدوغو اوچون ماضدؤله نین اؤزه ل عینایت لریندن قیسمتسیز اولموردو و كوتله وی حامامنان توتدو تا ده-یرماناجان باللیجادا تیكیلمیشدی!

آردي

+0 به‌ین

گؤنده ريليب تاريخ شنبه 10 آبان 1393يازار بولاق

جیار چیخاردان...

تقریبنن ایرمی ایل زاد اؤنجه یانی منیم سككسز-دوققوز یاشیمدا كندیمیزده های دوشموشدو كنده جیار چیخاردان گلیب، اونا دایاناراق كیمسه گون باتاندان سونرا اوره‌ك ائلییه بیلمیردی كؤوشنده قالا! مالچی، بیچینچی، درگزچی و ... هامیلیغا گون باتاناجاق ائوه قاییتمالی ایدیلار. بو جیار چیخاردان شوقریب‌ده نه ایدیسه گئجه‌لر چیخیردی "جیار چیخارتماغا"!

یازیق گئجه سو نؤبتی اولانلار! چوخو قورخودان یئر سووارماغا گئتمیردی و بعضی لری دؤرد-بئش یاندان گئدیردیلر و ایتی اولانلار ایت آپارماقدان قیسمتسیز اولموردولار.

آردي

+0 به‌ین

گؤنده ريليب تاريخ یکشنبه 4 آبان 1393يازار بولاق

یازان: حسن ریوندی
چئویرن: بولاق

بیز كوچه اویونلارینین سونونجو نسلی
موسیقی نی رادیو دان ضبط ائدن بیرینجی نسلیك
فیلمی ویدئودا باخمیشیق
آتاری‌نین دسته‌لریله ساعت‌لر
ساده اویونلارین آیاغیندا سئوینجلی آنلار یاشامیشیق.

آردي

+0 به‌ین

گؤنده ريليب تاريخ دوشنبه 21 مهر 1393يازار بولاق

او ایل‌ده بو ایل‌ده هر ایل كی كیمی فیسبوكـــ داكی بیر سیرا یازیلاریمیز اسطوره یوكونو داشیییر!  تانری باهاردا یارانیشی باشلاركن بایرامی تبریك دئییریك. اؤیكوموز بوردان باشلاییر:
«بیری واریدی بیری یوخ ایدی!» آنجاق ایكینجی فصل‌ده دویغولاری یاراتدی:

انا عرضنا الاماناته علی السموات و الارض و الجبال فابین ان یحملنها و اشفقن منها، و حملها الانسان انه كان ظلوما، جهولا...

آردي

+0 به‌ین

گؤنده ريليب تاريخ پنجشنبه 20 شهریور 1393يازار بولاق

زهرا بادره

قدیر گئجه‌سی

صبریم قورتارمیشدی داریخیردیم، قاباقلار حضرت معصومه‌نین زیارتینه  چوخ گئمیشدیم آمما بو دؤنه باشقا احساسیم وارایدی. تله‌سیردیم. تئز خانیمین بارگاهینا یئتیشك. دؤندوك او خیاوانا كی اونون سونوندا خانم معصومه‌نین بارگاهی اؤزونو گؤستریردی. نورلا دولو  گونبزینین گؤزللییی، هر بیر زوّاری اؤزونه ساری چكیردی، من او گونبزی بیر قیزا اوخشاتدیم كی  اوزاقدان  زوّارلارینا خوش گلدین ائدیردی. مبارك بارگاهینا آیاق قویدوم.


آردي

+0 به‌ین

گؤنده ريليب تاريخ دوشنبه 1 مهر 1392يازار بولاق
تهراندا بئش‌آلتی یاشلی اوشاقلاردا ساوادلیدیلار! اینانمیسیز؟؟؟
یادیما گلیر ایكی یا اوچو اوخویاردیم
، قونشوموزون اوغلو باباش دا دوققوزو اوخویوردو، قدیم دوققوزا، یانی دئمه‌لی آرتیق ۱۸ یاشی زادی اولاردی، نئجه كی یالنیز بئشینجی كیلاسی اوچ ایل اوخودو و ان آزی هر كیلاسی ایكی ایله بیتیریردی. آنجاق دوققوزا كئچن همی درسی بوراخیب قاچدی، یانی تئهراندا ایشله‌مه‌یه گئتدی.
نئچه آیدان سونرا بایراما گؤره گلمیشدی، آنجاق نئجه گلمیشدی!

آردي

+0 به‌ین

گؤنده ريليب تاريخ جمعه 6 اردیبهشت 1392يازار بولاق
خاطیره لرله بویانمیش بیر كند

«بَی كیشیلی»1 نین یام-یاشیل یوللارینی آستاجا دؤنوب "علی پنجه‌سی" و "ساری قایا" داغینین اته‌یینده یئرله‌شن "لَلـه‌لی" كندینه گئتمك قراریندایام. "لَلـه‌لی" یوخسا "ائلیاس‌آباد"2 اورمو شهرینین بئش كیلومئترلییینده یئرله‌شن جنت‌مكان بیر كند، "گولمانخانا" یا یئرلی اهالی دئمیشكن "بره"3 یولون توتوب "پاكدیس" كارخاناسینین یانیندان آیریلان یولو لَلـه‌لی یه ساری آلیب گئدیرم.
گوللو ـ چیچكلی یئدی بوروق یولون اوتای ـ بوتاییندا اوزوم باغلاری هر نه دن آرتیق گؤز اوینادیر. یولون قیراغیندا صف چكن قلَمه آغاجلاری و سؤیودلر، گلیب ـ گئدن یولچولارین یولونا كؤلگه سالاراق، یئل اَسدیكجه قول ـ بوداقلارین اوینادیب دئیه‌سن یاللی گئدیرلر.

آردي

+0 به‌ین

گؤنده ريليب تاريخ چهارشنبه 7 فروردین 1392يازار بولاق
1 |
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ