لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

پاییزین سونو ایله قیشین باشلانیشی آدلانان چیله گئجه‌سی، آذربایجاندا اؤزل فلسفه‌یه عائید بیر گئجه‌دیر. ایلین لاپ اوزون گئجه‌سی آدلانان بو گئجه، قیرخ گون داوام ائدیر. بونا بؤیوک چیله دئییر. سونرا ایسه اییرمی گونلوک کیچیک چیله گلیر. «چیله» قیرخ گونه ایشاره ائدن بیر کلمه کیمی، گونشدن لاپ اوزاق نوقطه‌ده، کامانین اورتاسینداکی چیلله‌دن بوراخیلان اوخ کیمی‌دیر. (فارسجادا چله کمان) قیشین لاپ اوزون گئجه‌سی اولان بو نوقطه‌ده، سویوق آللاهلاری گؤیدن شاختانی اوخ کیمی یئره توش توتور. فونولوژی ایله دیلچیلیک باخیمیندان، قیشدا طبیعتین چیل دوشدویو اوچون، بو نوقطه‌یه «چیله گئجه‌سی» دئییر.



آردي

+0 به‌ین

گؤنده ريليب تاريخ دوشنبه 1 دی 1399يازار بولاق
دیل مساله‌سی

ادبیات آدلانان مقوله‌نین «دیل» اوزه‌رینده یارانماسی دانیلمازدیر. ادبییاتی ذاتاَ دیل سرحدلرینی پوزان بیر فئنومئن کیمی نظرده آلساق دا، هر حالدا دیلدن ائشیک ادبییاتین اولماماسینی قبول ائتمه‌لیییک.

بیر باشقا شئیین آرتیریلیب اسکیلمه‌سی ایله بیرلیکلده دئمک ادبییات همان دیلدیر. و بو باشقا شئیی تانیماق اوچون، #دیلی_تانیماق لازیم. 


آردي

+0 به‌ین

گؤنده ريليب تاريخ شنبه 29 آذر 1399يازار بولاق
یازیچیلیق گؤره‌وی

یازماق نه دئمکدیر؟ ادبییاتچی‌ هانسی وظیفه‌لری داشییر؟ یازی و یازیچیلیغین نه فلسفه‌سی اولمالی؟ بونلار و بونلار کیمی سواللار نئچه واخت منی اؤزونه ماراقلی ائتدییینده، ژان پل سارترین «ادبیات ندیر» کیتابینا راسلاندیم. بو کیتابین نه حاقدا و نه قونولاردا دانیشماسی باره‌ده اوخودوقلاریمی سیزینله ده اورتایا قویماغا چالیشاجاغام.


آردي

+0 به‌ین

گؤنده ريليب تاريخ شنبه 29 آذر 1399يازار بولاق
کؤچورو

مدرن کلمه‌سی دیلیمیزده "چاغداش" کلمه‌سیله قارشیلانمیش اولسادا "مدرن‌شعر" باغلامیندا "چاغداش" کلمه‌سینی ایشله‌ده بیلمه‌ریک. یانی مدرن شعر، چاغداش شعر دئمک دئییل‌دیر. مدرنیزم ۱۸۸۰-جی ایل ایکینجی دونیا ساواشی ایللرینه کیمی سورَن زامان ده‌ییشیک فورموندا سنّت‌دن بوتونلکله قوپماسینی ساغلاماق هدفی‌نن اورتایا چیخمیش، یئنیلیک‌چی دئییش‌لر، خارق‌العاده ارائه ائتمک تکنیک‌لری و تپ‌تزه سؤیله‌مه فورملاریلا یاراتما ائتکینلییینه یئنی بیر  نفس قازاندیرمیش بیر هونر کیمی‌دیر. مدرن شعر ده بو آخیما پارالئل(موازی) اولاراق، شعرده اورتایا چیخمیش آنلاییشلاری شامیل اولار. دادائیزم، فوتوریزم، سوررئالیزم، اکسپرسیونیزم کیمی آخیملار، مُدرنیست چرچیوه‌ده ده‌یرلندیریلیر

آردي

+0 به‌ین

گؤنده ريليب تاريخ سه شنبه 18 تیر 1398يازار بولاق

بولاق

شعرده دیله گتیریلن دویغو، دوشونجه و خیالا تئم دئییلیر. شعر بیر دوشونجه یازیسی اولمادیغی اوچون «تئم» سؤزجویوندن داها چوخ اثرده دیله گتیریلن دویغو و خیالی آنلامالیییق. شعرده تئم بعضاٌ بیر عشق، آیریلیق آجیسی، اؤلوم قورخوسو کیمی فردی دویغولار بعضاً ده باشقا اینسانلار اوچون کدرلرین ایشتیراک ائتدیی اجتماعی قونولاری دا داشیا بیلر.

دئمک، هر اثرین بیر یازیلیش مقصدی، چاتدیرماق ایسته‌دییی بیر مئساژ واردیر. اثرده چاتدیریلماق ایسته‌نن مئساژا "تئم" دئییلیر. شعرده داها چوخ دویغو و خیاللار ایشله‌نر؛ بیر شعرده سیخ اولاراق ایشله‌نن دویغولار و خیاللار شعرین تئمینی یارادیر. شعری یارادان هر بؤلومون بیر تئمی واردیر. بو تئملر بیرله‌شه‌رک شعرین آنا تئمینی یارادیر.


آردي

+0 به‌ین

گؤنده ريليب تاريخ سه شنبه 18 تیر 1398يازار بولاق

تورک ادبیاتیندا لاپ قیسا اؤیکولره مختلف آدلار دئییلیر. بو آدلار بونلاردان عیبارت‌دیر: مینیمال اؤیکو، چوخ قیسا اؤیکو، اؤیکوجوک، قیساقیسا اؤیکو، قیپ‌قیسا اؤیکو، سیخ اؤیکو، قیسا قورماجا، کیچیک اؤیکو، مینی اؤیکو، کیچیک اؤیکو، آنی اؤیکو، میکرو قورماجا، کیچیک اؤلچکلی اؤیکو، مثل، کیچیک اؤلچولو قورماجا، کیچیک اؤیکو و...

بونلار کیمی آدلاندیرمالارلا خاطیرلانان اؤیکو نوعوندا، ایلک اولاراق ۱۹۶۰-جی ایللرده، ریچارد براتیگان و ایسپئنجئر هولست کیمی یازارلار، اثرلر وئرمه‌یه باشلامیشلار. دونیالاشمانین‌دا تأثیرلی اولدوغو بو موددتده، کیچیک اؤیکو فست‌فود دئیه تعبیر ائدیله‌ن چاغین استهلاک آنلاییشینا اویغون بیر نؤوعدور.


آردي

+0 به‌ین

گؤنده ريليب تاريخ سه شنبه 18 تیر 1398يازار بولاق
دوشونجه زنگی

 بولاق


دویغو، دوشونجه و خیاللارین بیر دوزه‌نه باغلی قالاراق، تاثیر ائدیجی بیر دیل و اویوملو میصراعلار ایله آختاریلماسینا شعر دئییلمکده‌دیر. شعر، ادبیات ژانرلاری‌نین اَن اَسکی‌سی‌دیر‌. شعر اوچون بو گونه قدر اولان تانیملامالار مختلف دوره‌لرده، شخص‌دن شخصه و چاغدان چاغا ده‌ییشمیش، بئله‌لیکله قطعی بیرر تعریف اورتایا چیخمامیشدیر.  تور اولاراق، ذهنی اؤزه‌للیکلری اوستون گلیر. احمد هاشیم، "نثره چئوریلمه‌ین نظم" و جاهید سیتقی تارانجی دا "کلمه‌لرله گؤزل شکیللر یاراتما هونری‌دیر" شکلینده شعری تعریف ائتمیشدیر.


آردي

+0 به‌ین

گؤنده ريليب تاريخ سه شنبه 18 تیر 1398يازار بولاق

یازان: بولاق

ناتورالیزم

• دئتئرمینیزم(جبرگرایی) آنلاییشینی رومانا گتیرَ‌ن بو آخیم اون‌دوققوزونجو عصرین ایکینجی یاریسیندا فرانسادا اورتایا چیخمیش‌دیر.
• دئتئرمینیزمه گؤره طبیعت حادیثه‌لرینده عینی سببلر عینی نتیجه‌نی دوغورار. ناتورالیست‌لر، دئتئرمینیزمی توپلوما و اینسانا تطبیق ائتدیلر.
• توپلوم بؤیوک بیر لابراتوار، اینسان تجروبه قونوسو، هونرمند ده بیلگین ساییلدی.
• اینسان شخصیتینی آنلاتا بیلمک اوچون وراثت قانونلاریندان و سوسیولوژی‌دن فایدالاندیلار.
• رومانلاردا قهرمانلارین پورتره‌‎‌لریندن اینجه دئتایللارینا قدر اؤنم وئریلر.
• یازار اثرده شخصیتینی گیزله‌یر.

آردي

+0 به‌ین

گؤنده ريليب تاريخ جمعه 17 خرداد 1398يازار بولاق
(معادل پیشنهادی برای اصطلاحِ داستانکِ خیلی کوتاه)

قیپ‌قیسا اؤیکو
بو کلمه، اینگیلیسجه شورت‌شورت‌ایستوری اصطلاحینا تورکجه قارشیلیقلاردان بیری‌دیر. بئش‌یوز کلمه‌یه قدر اولان اؤیکولری ایفاده ائدن و قیسا قیسا اؤیکونون یانی سیرا قوللانیلان بو اصطلاح، گئتدیکجه داها دا یایغینلاشماقدادیر. بئله اولماسی دا منطیقلی‌دیر. نیه کی تورکجه‌ده کلمه‌لر داها سونرا بئله‌سی بیر قایناشدیرماغا دؤنوشمکده‌دیر. اؤرنک‌سه یاشیل یاشیل-->یام‌یاشیل، ساری ساری-->ساپ‌ساری، قارا قارا-->قاپ‌قارا و...

آردي

+0 به‌ین

گؤنده ريليب تاريخ جمعه 17 خرداد 1398يازار بولاق

یازان: بولاق

پارناسیزم
• رومانتیک شعر آنلاییشی ایله فرانسادا اورتایا چیخمیش‌دیر.
• طبیعی گؤزللییه و خاریجی گؤرونوشه بؤیوک اؤنَم وئرر.
• صنعت هونر اوچون‌دور قانونونو مدافعه ائتمیش‌دیر.
• هونر خاریجی گؤرونوشونو کؤچورموشلر.
• سؤزلر سئچیله‌رک ایستیفاده ائدیلر. سؤزلرین سیرالاییشی و آهنگ اؤنَملی‌دیر.
• قافییه و ردیفه اؤنَم وئریلر.

آردي

+0 به‌ین

گؤنده ريليب تاريخ جمعه 17 خرداد 1398يازار بولاق
1 | 2 | 3 |
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ