لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

اؤلو

یازار:گی ده موپاسان

چئویرن: Kultura.az

كؤچورن: سید رضا حسینی

من اونو دلیجه سینه سئویردیم. بیز نیه سئویریك؟بو بویدا دونیادا یانلیز بیر نفری گؤرمك،بئینینده یانلیز بیر فیكرین اولماسی، اوره یینده بیر ایسته‌یین اولماسی دیلینده یانلیز بیر آدین اولماسی قریبه دئییلمی؟ بو آد بولاقدان سو سیزیر كیمی دایم اوره یینین ایچیندن دوداقلارینا قالخیر، سن اونو دوعا كیمی همیشه، هر یئرده، دورمادان تكرارلاییرسان، پیچیلداییرسان. حئكایه میزی دانیشمایاجاغام. محبّتین همیشه عئینی حئكایه سی اولور، ائله اودا تكرارلانیر. من اونو گؤردوم و سئودیم. واسّلام و بوتون ایل بویو اونون اینجه لییینین، قایغیسینین، نوازیشینین، باخیشلارینین، دانیشیغین تاثیرینده اولموشام، اوندان گلن هر شئیین اسیری ایدیم، باشیم ائله دومانلانمیشدی كی، گئجه، یوخسا گوندوز اولدوغونو، ساغ، یوخسا اؤلو اولدوغومو، كؤهنه دونیادا، یوخسا یئنی دونیادا یاشادیغیمی درك ائده بیلیردیم.

آردي

+0 به‌ین

گؤنده ريليب تاريخ شنبه 29 آذر 1393يازار بولاق

«تبریك به خانم پروین قاسمی عضو انجمن ادبی بولاق به خاطر كسب مقام دوم در این سوگواره»

مشكین فردا: آیین اختتامیه سومین یادواره 15 شهید هنرمند مشگین‌شهر و دومین سوگواره عكس و داستان‌نویسی عاشورایی با معرفی برگزیدگان به پایان رسید.

خبرگزاری فارس: برگزیدگان سوگواره عكس و داستان‌نویسی عاشورایی در اردبیل تجلیل شدندبه گزارش مشكین فردا، در مراسم تجلیل از برگزیدگان سوگواره عكس و داستان‌نویسی عاشورایی كه صبح امروز در مشگین‌شهر برگزار شد، در بخش عكاسی و در گروه سنی زیر ۳۰ سال از آرزو یعقوبی تقدیر شد و به ترتیب بهزاد جوادزاده و رضا زارع رتبه‌های دوم و سوم بخش عكس سوگواره عاشورایی را به دست آوردند كه در این گروه سنی هیئت داوران هیچ اثری را به عنوان رتبه ممتاز و اول انتخاب نكرد.

آردي

+0 به‌ین

گؤنده ريليب تاريخ جمعه 28 آذر 1393يازار بولاق

سوتو ،سودان آییر!

مشدی حیدریله  زولفعلی،  ایكی قارداش كندده یاشاییردیلار. بو قارداشلارین، تكجه بازآغیلی زمیلرینی سووارانده سؤزلری چیخاردی، یوخسا آیری اختلاف‌لاری یوخ ایدی.
زولفعلی، قبیر اوستونون قورخمالی ماجرالارینی دفعه‌لرله كندلی‌لردن ائشیتمیشدی. مثلا دئیردیلر: "گئجه‌لرین بیرینده، یوسفعلی چؤلدن كندده گلنده، قبیرلرین بیریندن، اوت- آلووون قالخماسینی گؤرموشدو. او قبیری نیشانلاماق اوچون، اؤز ده‌ینه‌یینی آلوولانان قبیرین قیراغینا آتمیشدی. آنجاق سحر چاغی قبیر اوستونه گئدیب گئجه آتدیغی ده‌ینه‌یی قبریستانلیقدان ائشیكده گؤرموشدو!" بئله سؤزلرین قورخوسو، زولفعلی‌نین جانینا دوشموش ایدی. اوناگؤره، اونلارین گره‌لری گئجه چاغینا دوشسه‌یدی، هئچ زامان قارداشینا یاردیم اوچون زمی‌لری سووارماغا گئتمزایدی.

آردي

+0 به‌ین

گؤنده ريليب تاريخ یکشنبه 23 آذر 1393يازار بولاق

گؤزه‌ل

گوندوزوم دؤنوبدو گئجه‌یه منیم
كدرلی‌یَم یوخ دردیمی بیله‌نیم
سیزیلداییر سحر-آخشام بدنیم
سن منی غم‌لره سالاندان گؤزه‌ل

اَزَلدن باغلیدی اوره‌ییم سنه
سنسیز زندان اولوب بو دونیا منه
بیلمیرَم نه اوچون یاشیرام یئنه
آرزیمین گول‌لری سولاندان گؤزه‌ل

آردي

+0 به‌ین

گؤنده ريليب تاريخ یکشنبه 23 آذر 1393يازار بولاق

شهر
اللریمدن
بوینونا اوزانان كیمی
اوزانار ائركن دوشلرین پرده‌سینه اوتاق
اَسَر
سنین ژورنالیست دوداغلاریندا دادیلمیش سؤزجوكلری
آرادیقدا
آراق واراق اولموش آخشاملار تئلئگراف اولور
آچیلمیش دویمه‌لرینده كافه دادلی گؤروشوموز اولاجاق
توتارسان‌سا اللریمی
قول-قولا گزدیكلریمیزلری

آردي

+0 به‌ین

گؤنده ريليب تاريخ یکشنبه 23 آذر 1393يازار بولاق

«علی پرمهر»ین «ائودن چؤله چیخما» ترانه‌سینی بو لینك دن ائندیره بیلرسینیز:

فرقلی، شاد و گؤزل بیر ایش :)

علی دئییر:

هر خواننده گرك اوز دیلینده اوخویا...

آردي

+0 به‌ین

گؤنده ريليب تاريخ جمعه 21 آذر 1393يازار بولاق

بیر چتیر آلتیندا
بیر آخشام اوستولوك یاغیش ایسته ییرم
بیردنه ده چتیر !
سن...من... و -
بیر اوزون خیابان ...،
اطرافیندا رقص ائده ائده سوزولن یاغیش دامجیلاری.
سونرا لئی سان بیر یاغیش .
ائله یاغسین كی باشماقیمیزین دالیجا-
گوله-گوله قاچاق،
بیخیلاق...دوراق.
ایسلاناق یاغیش آلتیندا .

آردي

+0 به‌ین

گؤنده ريليب تاريخ چهارشنبه 19 آذر 1393يازار بولاق

بیر آز STOP

حاقینیز وار
اتینیز تؤكولسون
رادیكاللارین گؤزو چئر اولور
نوقطه لر سطیرلرین قاباغینی آلاندا
اریییر گؤزومده ببكلریم
یاییلماسین جانیما ایضطیراب
اؤزومه خایین چیخماییم دئیه
خیانت ائتدیم
منی پارانتئزین آراسینا سالاندا
ایتمك ایسته ییردیم گؤزوندن
گؤزون مندن ایتدی
بیر آز STOP
او دؤنومده
سنی دؤنه جه یم
حئیرتله باخما!

آردي

+0 به‌ین

گؤنده ريليب تاريخ سه شنبه 18 آذر 1393يازار بولاق

اوركده بوغولموش آرزولار

آنا، اوشاغین قولوندان چكه-چكه، كوچه‌دن ائوه آپارماق ایسته‌ییردی، قیزجیغاز ایسه، آغلایا- آغلایا، "منه دوندویما آل، من دوندویما ایستیرم!" دئییردی. آنا قونشولارین یانیندا اوزو قیزارا-قیزارا اوشاغی ائوه آپاردی. چورویوب پاسلانمیش قاپینی ایشیلله‌ییب، حیطه گیردیلر.
اوشاغین آغلاماق سسی ائوی آلتینا آلمیشدی. اوشاق حیطده قالیب گؤز یاشلاری اونون تكجه یولداشی اولدو.

آردي

+0 به‌ین

گؤنده ريليب تاريخ دوشنبه 17 آذر 1393يازار بولاق

دانیشیغی آپاران: مهدی اصولی

 سلام یورولمایاسیز. «حامد احمدی»نی آرتیق تانییاق؟

سلام ساغولاسیز. حامد احمدی، 1365، تبریز دوغوملوسو. روانشناسی‌ده یوكسك لیسانس سویه‌سینده تحصیل آلمیشام. مین بیر گئجه حئكایه اؤدولونده (بونون دقیق آدینی رضا كاظمی­دن سوروشون) بیرینجی یئری قازانیب، 2013 جی ایلده آذربایجان جومهوریسینده كئچیریلن آزادلیق ادبی موسابیقه‌­سینده، حئكایه بؤلومونده بیرینجی یئری قازانمیشام. آذربایجانین چوخلو درگیلرینده حئكایه‌­لر و یازیلاریم یاییملانیب (دیلمانج، یاشماق، بیرلیك، آلاتوران و...) بیرلیك اؤیرنجی درگیسینین سوروملو مودورو (مدیر مسئول) و باش یازاری اولموشام 1386 دان 1388 كیمی.

بورا كیمی ایكی كیتاب چاپ اولوب مندن: 1- تاپیلماق اوچون ایتمك (بیر دیالكتیك حج یولچولوغو، نشر موغام، تبریز، 1391)، 2- اوچورتمانی وورماسینلار، یازار: فریده چیچك اوغلو، مترجم: حامد احمدی، نشر موغام، تبریز، 1393)

- عین حالدا سون رومانیمی اینترنت اوزره یایدیم (چیراغلارین هامیسی قیرمیز ایدی، تیر 1393)

- حیكایه‌لر توپلوسو دا یاخین گله­جكده اینترنتده یاییملاناجاق.

ایندیه كیمی نئچه جشنوار­ه ده داورلییز اولوب؟

  دؤرد جشنواره­‌ده ایش بیرلیییم اولوب سونای جشنواره‌سینده ایجرایی هئیتیندن اولوب آنامین یایلیغی و صباحی‌نین هر ایكی دؤورونده ژوری هئیتیندن اولموشام.

آردي

+0 به‌ین

گؤنده ريليب تاريخ یکشنبه 16 آذر 1393يازار بولاق
1 | 2 |
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ