لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

گؤیرچین‌لر ییرتدی گؤیو
یاستی- یاستی
الی بوش بیر آینادا تَرسه یاشام
و یالقیز بیر ساعات‌دیر قلبیم
سینه‌م بارماق‌لیق‌لاری
چالیر دونیانی عقرب‌لریم اؤز باشینا...
بو قبیرده یاتان یوخ سئوگیلیم!
گؤیرچین‌لرین مغناطیس سس‌لری‌یَم
بویالارین اوچدوغو آنام
آن‌سیز آن!

آردي

+0 به‌ین

گؤنده ريليب تاريخ جمعه 30 آبان 1393يازار بولاق

سنین گوزلرینه دنیز دئمه‌رم
دنیز اوره‌یی‌نین درین‌لییی‌دیر
بو سویوق یاشامدا ایسیده‌ن منی
سنین اللرینین سرین‌لییی‌دیر

هله ده قلمیم سئوگی‌دن یازیر
مندن سوروشمادان ایذین آلمادان
یاشاییش پاییز تك خزه‌ل اولسادا
هله ده یازیر او قیزیل آلمادان

آردي

+0 به‌ین

گؤنده ريليب تاريخ پنجشنبه 29 آبان 1393يازار بولاق

گؤزل سایه نین عزیز خاطره‌سینه

ای منیم باهاریم!
دولو-دولو گولوشونو
آووج-آووج گزدیریرم
ائویمیزده دولانیرسان؛
اوره‌ییمیزده اوتوروبسان؛
سانما گئدیبسن!
یانان اوره‌ییمه -

آردي

+0 به‌ین

گؤنده ريليب تاريخ سه شنبه 27 آبان 1393يازار بولاق

1372-جی ایل، آبان آیینین 26-سیندا دونیایا گلیب. اوشاقلیقدان هونری و هونر سئور بیر عائیله‌ده بؤیودویونه گؤره ادبیاتلا ایلگی‌له‌نیب. 16 یاشیندان ایلك اؤنجه شعرله ادبیاتی باشلاییب، ایندیسه چوخلو نثر و اؤیكو ساحه‌سینده چالیشیب، مهندسی‌صنایع ریشته‌سینده تحصیل آلماقدادیر. آشاغیدا اوخویاجاغیز اؤیكو حامیدین اوچونجو توركجه یازدیغی اؤیكوسودور.

بونو دا آرتیراق كی بو گون حامیدین دوغوم گونودور :)

بو گونو تبریك دئیه‌رك سیزی اؤیكوسونو اوخوماغا دعوت ائدیریك


- سعید دئیرم ذهنونده سوژه یوخدی؟
- نه سوژه سی؟
- داستان یازماغا. یامان یازماغیم گلیر
- دوزدن؟ هاروننان گلیر؟
- ساریما دوزدن دئیرم. ایستیرم بی داستان یازام ٬ آنجاق موضوعین تاپبیرام.
- یاراتدیغووا شوكر الله ٬‌عیززت و جلالووه شوكر ٬ گئده بی شئی تاپ اوتیر یاز دای
- قانمیسان یا اؤزو ویریبسان قانمامازدیغا؟
- اده سن ساریبسانه. آدامین اول ذئهنینه بی شئی گلر سورا اوتیرار آدام بالاسی كیمی یازار
- بابا منه چتینی اوولیدی. من موضوع تاپسام اوتیریب یازارام.
- هه سنده ساعاتین عقربه لری برعكس تولانیر. اول یازماغون گلیر سورا موضوع گزیسن.
- ایسته‌مه‌دیم هئچ. ساغول

آردي

+0 به‌ین

گؤنده ريليب تاريخ دوشنبه 26 آبان 1393يازار بولاق

سیز تانریسینیزمی؟ (حیكایه‌جیك)

بایرام گئجه‌سی ایدی. هاوا قارلی و چوخ سویوق ایدی. اوغلان‌جیغاز، یالین آیاقلارینی، قالدیریمین اوستونده‌كی قارلارین سویوغو لاپ آز اینجیتسین دئیه ترپه‌دیردی. اؤزونو ساتیش‌یئری‌نین شوشه‌سینه یاپیشدیریب ایچه‌ری باخیردی. باخیش‌لاریندا بیرزادلار دالغالانیردی. ائله‌بیل، باخیش‌لاری ایله الینده اولمایانلاری تانری‌دان ایسته‌ییردی.ائله‌بیل گؤزله‌ری ایله آرزی ائدیردی.

آردي

+0 به‌ین

گؤنده ريليب تاريخ شنبه 24 آبان 1393يازار بولاق

چوخ تاسفله حؤرمتلی «ائلدار موغانلی» جینابلارینا عزیز باجی‌لاری‌نین دونیا ده‌یشمه‌سینی تسلیت دئییب، “نوروزی”‌ عائله‌سینه بو عزیزین روحو شاد اولسون دئییریك. بو آغیر ایتگینی، ها بئله عزیز آنالارینا و مؤحترم عائله ‌عضولارینا، ائله‌جه‌ده دوست، تانیشلار و بولاق درنه‌یی طرفیندن باش ساغلیغی وئریریك. مكانی جنّت اولسون.

آردي

+0 به‌ین

گؤنده ريليب تاريخ جمعه 23 آبان 1393يازار بولاق

گؤزلرینه دوام ائت
آلت خیاباندا گوزله‌ین بیری واررر
گؤزلرینه دوام ائت سئوگیلیم
رویالاریمین قاپیسیندا دایان بعضن
سئرچه‌لریمی اوچورت، یارپاقلاریمی تؤك
پاییز اول، قیش اول
تلفن سیملری داها اسكی‌سی دئییل،
الكتریك سیملری... آغاجلار
سئوگی‌لر داها اسكی‌سی كیمی دئییل

آردي

+0 به‌ین

گؤنده ريليب تاريخ پنجشنبه 22 آبان 1393يازار بولاق

مهلت ارایه آثاربه دومین سوگواره استانی هنرهای تجسمی وداستان نویسی عاشورایی «حدیث عشق» تا دهم آذرماه سال نود وسه تمدید شد

به گزارش مشكین رسا، عظیم دشتی در جلسه هماهنگی برگزاری این سوگواره اظهار كرد:  به علت میزبانی استان اردبیل از كنگره شهدای تئاتر كشور مراسم معرفی برترین های دومین سوگواره استانی هنرهای تجسمی وداستان نویسی عاشورایی حدیث عشق به نوزدهم آذرماه موكول گردید

آردي

+0 به‌ین

گؤنده ريليب تاريخ سه شنبه 20 آبان 1393يازار بولاق

سس سیزلیك یاستیغیمی،
گئجه‌نین دیرسه‌یینه
دایاییب،
باشیمی اوستونه قویدوم.
یوخونون
دولانبا-دولان كوچه‌لری
آرتیق قورخونج.
عشق،
گجیل قاپیسیندان دیر.

آردي

+0 به‌ین

گؤنده ريليب تاريخ دوشنبه 19 آبان 1393يازار بولاق

«حمید عیوضی كهنمویی» 26 یاشلی. حقوق ریشته‌سینده لیسانس آلمیش. سككیز ایلدی ادبیاتلا چالیشیر! بیرینجی رومان و بیرینجی شعر كیتابی چاپا حاضیردیر...

قاتار


دئمه‌ك ایسته‌میردیم سون سؤزلریمی
قاتار اؤكوتمه‌سی سؤزه گتیردی
یولداشلار آردینجا اَسَنده اللر
قویلانمیش سئوگیمی اوزه گتیردی
***
نه راحات آیریلیر قاتار شَهَردن
بو گؤز یاشلارینی گؤزده آلماییر
اونون‌چون كئچمیشده قاتار یوخویموش
ایندی سئوگیلرده سئوگی اولماییر
***

آردي

+0 به‌ین

گؤنده ريليب تاريخ یکشنبه 18 آبان 1393يازار بولاق
1 | 2 | 3 | 4 |
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ