لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

دنیز اولوب اورك‌ده دالغالانان
ایشیق اولوب گئجه‌لره جالانان
آلوو كیمی اوره‌ییمه قالانان
اؤلدوروب یاشادان باخیشا قوربان

گؤزلرینه ایلمه‌له‌دیم دیله‌یی
باخیشینا دویون له دیم اوره‌یی
گول آچدی شعریمده سئوگی چیچه‌یی
بایغین گؤزونده كی ناخیشا قوربان

آردي

+0 به‌ین

گؤنده ريليب تاريخ سه شنبه 29 مهر 1393يازار بولاق

تانری‌نین باغینه باخ، گور نه گولوستان یارادیب
منی عشقینده دیلنچی، سنی سولطان یارادیب

آه و زار ائیله‌مه چوخ صبر ائله بیر گون گله‌جك
عشقیمه لایق اولان بیر دلی جئیران یارادیب

قاشینه گؤزلرینه درده سالان قامتینه
یانیرم اودلار ایچینده سنی اوددان یارادیب

آردي

+0 به‌ین

گؤنده ريليب تاريخ سه شنبه 29 مهر 1393يازار بولاق

مندن دلیسی یوخدور بو گئجه
بوراخیب ایستی یورقانی
چیخا یاغمور آلتینا
قاریشا یاناق‌لاریندا بیر-بیرینه
گؤیدن آخان یاغمور یاشی ایله
گؤزدن آخان گؤز یاشی
سانكی گؤی‌لرین‌ده اؤره‌یی دولوب
سون قویا بیلمیر آغلاماغا
آغلاییر-آغلاییر...

آردي

+0 به‌ین

گؤنده ريليب تاريخ دوشنبه 28 مهر 1393يازار بولاق

اولتیماتوم
جسد كوللئكتیوینده قان هامارلیغینی ایچیر شعریم
یاغیش جنازه‌سینی
آینا میصراعلیغینی
«بودا»دا سوترا سطیرلییینی ایچیر
و «داوود»دا ملكلر سسلیینی چكیر باشینا
آوانگاردی قانا سالیب شعریم
اؤنجول دالغالاری
تام شعر نورمالارینی
من پؤیئزیا نوواتورلوقویام خیال مودیفیكاسیاسی
گونش گؤلونون یاكاموزلوغودور شعریم
تام شعرلری آرخادا قویوب و شاعیرلری ...

آردي

+0 به‌ین

گؤنده ريليب تاريخ دوشنبه 28 مهر 1393يازار بولاق

بیردن گئجه یاریسی یوخودان دورارسان، یادینا دوشر اوره‌یینده بیر یارا وار.

بیردن اؤزله‌دییین اوزوده چوخ-چوخ اؤزله‌دییین بیری وار آنلارسان، آنلارسان گولوشلری گؤیلونه دوشوب، آنلارسان اوزونده كی اؤزل میمیك‌لر اوچون داریخیب‌سان، بیر كئفلی كیمی یئریشینه داغیلیب‌سان، گئجه چوخ آغیر دوشر اوستونه آغلارسان، آغلارسان، آغلارسان و یئنه آغلارسان... آغلاماق‌لا گئجه بیتسه‌ایدی بیتردی، بیتمز. قالارسان گئجه‌نین آلتیندا... بیر یول آختارارسان بو گئجه‌نین آلتیندان چیخماغا، تاپانمازسان...سن تاپانمازساندا كئچمیش گلر سنی تاپار، آنی‌لارا سیغینارسان، سؤزلریز یادینا دوشر .

آردي

+0 به‌ین

گؤنده ريليب تاريخ یکشنبه 27 مهر 1393يازار بولاق

گلنده بیر قوجاق قوشمالاریندان
بیر آددیملیق وطن پای گتیر منه

ساوالان شاختاسین بوكوب بوغچایا
چیچكلی غنچه‌لی یای گتیر منه

آنامین ساچیندان بیتن حسرتی
 باجیمین گؤز یاشین چای گتیر منه

داغلارین باغریندان آییر لال سازی
بوغولموش بوغازدان های گتیر منه

آردي

+0 به‌ین

گؤنده ريليب تاريخ یکشنبه 27 مهر 1393يازار بولاق

سس‌سیز آخشاملارین باغریندان تؤكولدوم
منی سوروشمازلار اینان
منی سوروشمازلار بو اوتاغین دووارلاری
گؤزلریم دیلله‌نیر
بو گوزگولر نه‌دن منی سایمازلار
گون اولور سبب‌سیز كؤلگه‌م دونور
باغلانیر قونشوموزدا پنجره‌لر
بولودلاردا گئدیرلر
كوچه‌لردن چكیلیر همن، اوشاقلار
كسیر اومودلاریمی اینان

آردي

+0 به‌ین

گؤنده ريليب تاريخ شنبه 26 مهر 1393يازار بولاق

هایكو

ژاپنون اون‌‌یئددی «مورا»لی شعری -هایكو- بوگون دونیانین چوخ اؤلكه‌لرینده ادبیاتچیلار آراسیندا تانیش بیر كلمه ساییلیر. بعضاً هایكونو 17 هجالی شعر آدلاندیریرلار آنجاق دیلچی‌لیك باخیمین‌دان، «هجا» ایله «مورا» ایكی مختلف آنلاییش‌لاردیرلار. هر بیر قیسا هجا بیر مورا ایله برابردیر.) اؤرنك اوچون o) آنجاق هر بیر اوزون هجا ، ایكی «مورا» ایله برابردیر(اؤرنك اوچون yaz هجاسی، ya ایله z مورالاری ایله برابردیر). بئله‌لیكله ژاپن شعرلرینین وزنی مورالار ساییسینین اساسیندا تعیین ائدیلیر.
آردي

+0 به‌ین

گؤنده ريليب تاريخ جمعه 25 مهر 1393يازار بولاق

(1)

دنیزه ایناندیغیم قدر

دنیزله دالغالانیب
گؤی اوزونه توللانیب
بیر ملك‌له
دونیانین ساچیندان آسلانیب
هر شئیین داندیغیم قدر
دنیزه ایناندیغیم قدر
یالنیز سنین
گؤزلرینه
گؤزلرینده كی تانریا
اینانیرام.

آردي

+0 به‌ین

گؤنده ريليب تاريخ پنجشنبه 24 مهر 1393يازار بولاق
كارگاه داستان‌نویسی بولاق مطابق معمول هر چهارشنبه در طبقه همكف تالار اندیشه برگزار گردید. در این جلسه نیز طبق روال گذشته اعضای انجمن به قرائت داستان‌های خود پرداختند كه سایر اعضا هم به نقد و بررسی آثار پرداختند. 
استاد فرزانه‌وش رئیس انجمن سینمای جوان مشگین‌شهر هم همراه سایر اعضا، داستان‌های قرائت شده را نقد و بررسی نمودند و در خصوص ساختار و تكنیك‌های ادبی به كار رفته در داستان‌های قرائت شده و كم و كاستی و نقاط قوت و ضعف داستان‌ها به بحث و بررسی پرداختند. لازم به توضیح است كه استاد فرزانه‌وش در خلال صحبت‌‌هایش در خصوص اهمیت داستان و داستان‌نویسی چنین ادامه دادند:

آردي

+0 به‌ین

گؤنده ريليب تاريخ چهارشنبه 23 مهر 1393يازار بولاق
1 | 2 | 3 | 4 |
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ