لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...
یئنی ایلی هامیا تبریك دئیه‌رك سیزی "عبدالرحمن كاراكوچ"ون گؤزل قوشماسینا قوناق ائدیریك. بایرام‌دا یوخسوللاری اونوتمایاراق، بیزدن سیزه بایراملیق اوچون كیچیك بیر پای...


آنادولو توركجه‌سیندن اویغونلاشدیران
: بولاق

بایرام‌لار بایرام اولا


گونش یوكسلمه‌دن قوشلوق یئرینه
بیر آدام جامع‌دن دؤندو ائوینه
اوتوردو سس‌سیزجه یئر دؤشه‌یینه
قیزی "بایرام" دئدی،
یالین‌ آیاق‌لی
آدام "بایرام" دئدی، تام آغلاماق‌لی..

الی اؤپولدوكجه ایچی بورخولدو
دانیشماق ایسته‌دی، دیلی توتولدو
گوج بلا آغیزین‌دان بیر "اوف! " قورتولدو
اوغلو "بایرام" دئدی، سیرتی یاماق‌لی
آدام "هه یا" دئدی، گؤزو قاپا‌لی..

آردي

+0 به‌ین

گؤنده ريليب تاريخ چهارشنبه 30 اسفند 1391يازار بولاق
آنادولو توركجه‌سیندن اویغونلاشدیران: بولاق

بایراق

ائی، ماوی گؤیلرین آغ و قیرمیزی بزه‌یی،
باجیمین گلین‌لییی، شهیدیمین سون اؤرتوسو!
ایشیق-ایشیق، دالغا-دالغا بایراغیم،
سنین ناغیلینی اوخودوم، سنین ناغیلینی یازاجاغام.
سنه منیم گؤزومله باخمایانین
مزارینی قازاجاغام.
سنی سلاملاما‌دان اوچان قوشون
یوواسینی پوزاجاغام.
دالغالاندیغین یئرده نه قورخو، نه كدر...
كؤلگنده منه ده، منه ده یئر وئر !

آردي

+0 به‌ین

گؤنده ريليب تاريخ یکشنبه 27 اسفند 1391يازار بولاق

سئوگی اؤزوندن اینجیییب

دونیا داماقدان یورولوب.

یورولوب هرنه اؤزوندن

دومانلار داغدان یورولوب.

 

گؤیده بولودلار یاغیشی

داغلارین زیروه‌سی، قوشو

بو ماحالین یایی، قیشی

بوش داریخماقدان یورولوب.

 
آردي

+0 به‌ین

گؤنده ريليب تاريخ شنبه 26 اسفند 1391يازار بولاق

 یادیما سالما منی، قلبیمه چوخ وورما یارا
منی آغلاتما صنم گؤیلری گل ائتمه قارا


كئچن اول گونلریمی چكمه شكیل تك گؤزومه
باشیما وورما كی سئودا نه گتیردیر باهارا

یادیما سالما بو دونیا كی اوچوبدور باشیما
كوره‌ییم قالدی ائشیكده، بو باشیم گیردی قارا

آردي

+0 به‌ین

گؤنده ريليب تاريخ سه شنبه 22 اسفند 1391يازار بولاق

بولاق درنه‌یی سئویملی زهرا دان بو قیسا یازینی حاضیرلادیغی اوچون تشككور ائدیر. بیلدیییمیز كیمی زهرا بو یازینی كند اهالیسیندن سوروشوب، آختاریشیب و یازیبدیر. یازیسی اورجینال بیر یازی‌دیر و هئچ بیر یئردن كپی اولمادیغی اوچون ایشی داها  ده‌یرلی‌دیر...


آلوچ كندی

آلوچ كندی مشگینین باتی‌سیندا، 10كیلومترلییینده  یئرله‌شیب‌دیر. بو كندین سویو چوخ اولدوغونا گؤره "آلوچ" آدی وئریلیب‌دیر. دئمك "آلوچ" كلمه‌سی "آل" و "ایچ" كلمه‌لرینین قیسالمیشیدیر. بو كندین چوخلو تاریخی، گزمه‌لی و گؤركملی یئرلی واردیر:

"قالا باشی" قالاسی، "گورگور" آخماجاسی و "مشگین چایی"

آردي

+0 به‌ین

گؤنده ريليب تاريخ دوشنبه 21 اسفند 1391يازار بولاق
آنادولو توركجه‌سیندن اویغونلاشدیران: بولاق


ایستی‌لرده

بو ایستی‌لرده سنی دوشونورم

چیلپاقلیغینی

بویونونو بیلك‌لرینی

دؤشكده آغ بیر قوش كیمی یاتان آیاغینی

سنین سؤیله‌دیك‌لرینی.


بو ایستی‌لرده سنی دوشونورم

بیلمیرم عاغلیمدا ان چوخ قالان نه

گؤزومون اؤنونه گلن

بویونونمو بیلكلرینمی

چیلپاق آیاغینمی

 
آردي

+0 به‌ین

گؤنده ريليب تاريخ یکشنبه 20 اسفند 1391يازار بولاق

اوچ قیسا شعر

1)
ﺩﻧﯿﺰ ﺷﻬﺮﯾﻨﺪﻩ
ﺳﺌﻮﮔﯽ خیابانیندا
ﺗﮏﻟﯿﮏ ﮐﻮﭼﻪﺳﯿﻨﺪﻩ ﮔﺆﺯﻟﺮﯾﻤﯽ یومموشام...
ﮔﻞ..
ﺗﻮﺕ دوداقلاریمی
قارماقلی دوداقلارینلا
آی اووچو قیز

آردي

+0 به‌ین

گؤنده ريليب تاريخ جمعه 18 اسفند 1391يازار بولاق


ایچیمده مین بیر چیچك،
گول اوستونه گول
سنسه گئدیرسن
قوی پاییزلاسین
بوراخ سولسون كؤنلومون سئودا یاشیللیغی
قوی چیچكلر تومورجوقدا چوروسون



آردي

+0 به‌ین

گؤنده ريليب تاريخ دوشنبه 14 اسفند 1391يازار بولاق
خییوودا بو گونلر هر بیر هونری توپلام دا، هر بیر اوتوروم و هر بیر دوشونجه اوجاغیندا سؤز قونوسو "گونش گروپونون كانسئرتی" دیر. بیر مشگین‌لی اولاراق بو كیچیك شهرده بئله بیر موسیقی قروپونون اولماسینا یقین كی هامیمیز فخر دویمالیییق. كیچیك شهر دئدیییم، قوینوندا تاریخ بویو بؤیوك مدنیت‌لر یئتیشدیردییینی هامیمیز یاخشی بیلیریك. قروپ ایفاچیلارینین بیرر-بیرر مشگین مدنیت و كولتور وارلیغیندا ده‌یرلی هونرمند اولمالارینی آشاغیدا یازیلان تانیتیم‌دان سئزه بیله‌ریك. آیلار تمرین ائتدیك‌دن سونرا بو ایفتیخارلی ایفاچیلارین چیخیشینی گؤزله‌ین شهرداشلارین هامیسینی، اورك بیرلیییله اولوشوب گلیشین بو قروپونون ایفاسینا دعوت ائدیریك. آشاغی دا قروپ و ایفاچیلار حاققیندا بیر تانیتیم اوخویا بیلرسینیز:

آردي

+0 به‌ین

گؤنده ريليب تاريخ دوشنبه 7 اسفند 1391يازار بولاق
نه اولسون كی

_ نه اولسون كی من سنی سئویرم؟! ائله ننه‌م ده  كیچیك عمیمی سئویر، كیچیك عمیم ده، ایتینین كوچویونو...

عمیم دئییر: او كوچوك ایكی ایلدن سونرا، خییوودا هامینین ایتینی بوغاجاق. سارابی دئمیرم، سارابدا قاچسا دا قاچیب، مئیدانین بی باشی اوتدودور، بیر باشی اوتوزدو. اهر ده، آنجاق مئیداندان قاچماز. یانی قاچسا دای باشیمی یئره سوخار. جمعده باشیمی قالخیزا بیلمه‌رم. بوغولسا "خییوو چایی"نا آتارام سو گؤتوروب گئدر.






آردي

+0 به‌ین

گؤنده ريليب تاريخ جمعه 4 اسفند 1391يازار بولاق
1 | 2 |
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ