Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
ده‌ییرمانین بؤیرونده داشا سؤیكه‌نیب، اوغول بالا یوكو بوشالدین بیر آز دینجه‌لیم دئییر.
توز-تورپاقلی بؤركونو اوزونه چئویریب بوتون یورقونلوغونو داشا سریر.
اوشاقلار یوكو بوشالدیرلار...
ده‌ییرمانچی:
- نئچه تای قالیر بالا
- اوتوز قیرخ تای قالیر عمی، داریخما
- اوتوزقیرخ تای
- نه جور داریخماییم آخی
- اوتوز قیرخ تومن نه‌یی گؤرر آخی آی دده‌م قوربان
- اوشاقلارین مدرسه پالتارین آلیم آروادین آبیر پالتارین؟!
- یاغ آلیم، قند آلیم، نه آلیم؟!
- اوتوز قیرخ تومنه نه وئریرلر كی.
آردي
آرزو مورادی 1992-جی میلادی ایلین دوغوم‌لوسو، تبریزده گؤز آچیپ، جولفادا
گنجلیك چاغینا یئتیشن "سؤنمز آلئو" آدیلا چالیشیر.
گئدیرم آرخامجا آیاق سسی وار
دایاندیم، دایانیر قولاق‌لاریمدا
دؤنورم آرخایا، كیمسه گؤرمورم...
شاشقینلیق ایچینده یئیینله‌شیرم
یئنه آیاق سسی یئنه او قورخو...
آرخامجا یوروین نه‌دیر گؤره‌سن؟!
آردي
سیدمرتضی حسینی زنگانلی دیر. چوخ درگی‌لرده یازی‌لار یازمیش. تهران دا بوراخیلان یارپاق آدلی اؤیرنجی‌سل درگی‌نین مدیر
مسئولو، زنگان‌دا یاییملانان بایرام درگی‌سی‌نین سابق باش یازاری، ایندی یازارلار
هئیئتی‌نین اویه‌سی‌دیر.
دیل و دوشونجه.
برتولد برئشتین بیر قیسسا شئعرینه تقریض كیمی. كیان خیاوا اتحاف
بعضاً چوخ دویغوسال و توپلومسال و س دئییب و یازیب- یاراتماق‌لارا
قارشی انگل‌لر و پروبلئم‌لر اولور و نه قدر دئییب و یازساق دا یئنه بئله بیر حیس
ایچیمیزده قالیر كی سؤزوموزون آماجین دینله‌ییجی و اوخوجونون ذئهنینه آشیلایا بیلمه‌میشیك
و همی‌ده اوره‌گیمیزده اولان دویغو و یا بئینیمزده اولان دوشونجه‌نی یاخشی بیان
ائده بیلمه‌میشیك. بئله بیر حال‌لاردا چوخ پیس بیر حیس ال وئریر آداما. سانكی چوخ
بیر حسرتینده قالدیغین لذتین ساحیلینه قدر گئدیرسن آما گركلی اولان پایین
آلمایاراق، آرتیق عطشه دوشورسن و ائله بئله بیر حیس-حالا گؤره‌دیر كی چوخلو یازیب-یارادان‌لار
همیشه یازدیقلاریندان ناراضی‌دیرلار و یازدیق‌لاری اونلاری قاندیرمیر. بو دئدیگیم
حیس-حالین ندنلرین آرایییب- تاپماقدا ائله بو حیسسین اؤزو كیمی چتین و دئییلمزدیر.
منجه بو چیلدیردان دویغونون ندنلرینه نئچه یؤندن باخماق اولار.
آردي
كئچیر خیاواندان اونلار آرابا
آداملار تلسیك گلیب گئتمه ده
بیر جاوان قادینلا بیر كؤرپه اوشاق
گئدیرلر اَل اَله آداملار ایچره
آناسی بَرك توتوب كؤرپه قیز اَلین
قورخور كی آرابا اونا توخانا
بوشلانا خیردا قیز یا كی الیندن
باخیر اوركك-اوركك اویان بویانا
***
آردي
كیوان 1371-جی ایلده خییوودا آنادان اولموش، ایندیسه تبریز ده بیوتكنولوژی ریشته سینی لیسانس مقطعینده اوخوماقدادیر
آتامین عؤمرونون چاناقلاریندان
بلكه ده آنامین یاناقلاریندا
نه بیلیم، اؤزگه‌نین دوداقلاریندان
داملاییب، بیر داها دوغولموشام من
كولگه‌لی گؤزلرین قابار یاشیندا
یام-یاشیل آرزونون یئل اویناشیندا
هؤرمه‌لی یارپاغین قیش قارقیشیندا
قیشلانیب ایچیمده بوغولموشام من
آردي
دوشان
بابام دوتموشدو یولدان
گؤزل كیچیك بی دوشان
ال آیاغی قان ایدی
دیلسیز بی حئیوان ایدی
یاراسینی باغلادیق
بیر-ایكی گون ساخلادیق
آردي
سئل
بؤیوك آتام گیله سئل گلمیشدی. بؤیوك آتام قورخوسوندان آغاجا چیخمیشدی. قونشولار كؤمك ائله‌دیلر بؤیوك آتام آغاجدان دوشدو و ائو زاد سؤكولوب چوخ وسایل آپاریب بؤیوك آتام چوخ قورخموشدو. سئل یاتدی آمما بیزیم قورخوموز دوام ائدیردی. آتش نیشانی گلدی، پلیس گلدی. دیوارلار سؤكولموشدو. سئل 40 دنه تویوق اؤلدورموشدو، ایكی ایت، ایكی قاز، بیر دنه ده اؤردك سویون اوزونده اوزموشدولر.
آردي
قادین كوچه ده اوینایان اوشاقلارین سسیله پئنجره‌نین اؤنونده دایانیب اونلاری تاماشا ائدیر.
آرازهارایلاییر:
- گئت قاباغا یاشار ... پاس وئر ائلدارا ... هه وور ائلدار... گووووول!
ائلدار گول ووراركن، سئوینجیله بیر قوش كیمی قانادلارین آچیب دوسلارا ساری قاچیر.
اوشاقلار شنلیكدن دولو های-كوی لریله ائلداری دؤره‌له‌ییب سئوینجلی اؤپوشلرینی اونون آلنینا یاغدیریرلار. قادین گولومسونوب باشین قالدیریب،آغیر بیر آه چكه‌رك ایچه‌ری گئدیب یاتاقجیق اؤزه‌رینده ایله‌شیر و اومودون دوندوروجو اللرین الینه آلیر، اونون بارماقلارین دوداقلاریندا گزدیررك "سنی سئویرم " دئییر .
آردي